Kosnett nuk e sheh problematike që politikanët e Kosovës kanë opinion për zgjedhjet në SHBA

Ambasadori i Shteteve të Bashkuara në Kosovë, Philip Kosnett ka folur edhe për zgjedhjet në SHBA dhe preferencat e politikanëve të Kosovës.

Kosnett nuk e sheh ndonjë problem nëse dikush nga politikanët e Kosovës deklarohet për njërin apo tjetrin kandidat.

“Në gjithë botën presin se çfarë po ndodh në zgjedhjet që mbahen në Shtetet e Bashkuara të Amerikës, sepse ajo që ndodh atje ka ndikim në tërë botën. Do të ishte naive nga ana ime që të thosha se njerëzit jashtë SHBA-së nuk duhet të kenë opinion për zgjedhjet në SHBA”, tha Kosnett në “Debat Plus”.

“Çfarëdo që do të ndodh në zgjedhjet e Amerikës, raportet SHBA-Kosovë do të vazhdojnë të mbeten shumë të forta. Si demokratët ashtu edhe republikanët duan të shohin paqe, drejtësi dhe prosperitet në Kosovë”, shtoi Kosnett, përcjell Telegrafi.

Ambasadori i Shteteve të Bashkuara në Kosovë thotë se ndjehet mire që SHBA vitet e fundit kanë qenë shumë të angazhuara në Ballkan.

Lexo po ashtu Kosnett: SHBA nuk është kundër zgjedhjeve të reja në Kosovë

“Momentumi i tanishëm i angazhimit të SHBA-së në Kosovë duhet të mbahet pavarësisht se kush fiton në zgjedhje”, tha ndër të tjera Kosnnet./Telegrafi/