Koreja e Jugut “ka harruar ushtrinë”, ka përballë “një armik tjetër për të luftuar”, në kufirin me fqinjin e saj Verior

Trupat e Koresë së Jugut kanë “një armik të ri për të luftuar”: derrat e sëmurë që lëvizin dhe notojnë nga Koreja e Veriut.

Sipas mediave të huaja, përcjell Telegrafi, pas raportimeve për një shpërthim të etheve të derrit afrikan në Korenë e Veriut në maj, ushtarët përgjatë kufirit u urdhëruan të kapnin ose të qëllonin derrat e egër që shkonin në Korenë e Jugut.

Kështu, zyrtarët vendosën kurthe, inspektuan 160 milje gardh kufitar dhe ofruan shpërblime për gjetjen e një derri të vdekur.

Por përpjekjet nuk e ndaluan virusin.

Duke filluar nga shtatori, Koreja e Jugut ka gjetur kafshë me sëmundje në 14 ferma dhe ka mbledhur gati të gjithë derrat brenda një rreze afërsisht dy milje të secilës.

Qeveria tha se gjithashtu do të mbledhë të gjithë derrat në dy qytete afër zonës së demilitarizuar midis dy Koreve.

Gjithashtu, vetëm ditëve të fundit 145,000 derra ishin zhdukur qëkur Koreja e Jugut raportoi rastin e parë të etheve të derrit afrikan muajin e kaluar, në përpjekje për të ndaluar përhapjen e virusit.

Ky vlerësohet edhe si një shembull se si dështimi i dy Koreve për të bashkëpunuar për çështje të përditshme mund të sjellë probleme përtej bllokimit diplomatik.

Kjo pasi që Pyongyang ka injoruar ofertat e përsëritura të Seulit për të ndihmuar në luftimin e sëmundjes, tha Ministria e Unifikimit e Koresë së Jugut – një kontrast nga viti 2007, kur të dy Koretë punuan së bashku për të frenuar sëmundjen e këmbëve dhe gojës, e cila prek bagëtinë dhe derrat.

Vitin e kaluar, të dy Koreat ranë dakord të forcojnë bashkëpunimin për të frenuar sëmundjet ngjitëse gjatë vizitës historike të Presidentit të Koresë së Jugut, Moon Jae-në në Pyongyang.

Ethet e derrave afrikanë tashmë kanë çuar në mbledhjen masive të derrave në Kinë dhe Vietnam, duke zvogëluar furnizimet e derrit.

Shkalla e vdekshmërisë për derrat që kontraktojnë virusin shumë ngjitës mund të jetë deri në 100%. Për fat të mirë, virusi është i padëmshëm për njerëzit. /Telegrafi/