Kontrata e Messit me Paris Saint-Germain përmban klauzolë speciale për Argjentinën

Kontrata e Lionel Messit me Paris Saint-Germain përmban një klauzolë të veçantë që e bën kombëtaren e Argjentinës “përparësinë” e tij.

Pasi u njoftua se ai do të largohej nga Barcelona pas 21 vitesh të lavdishme, PSG ka lëvizur me shpejtësi për të siguruar shërbimet e Messit.

Marrëveshja e gjashtë herë fituesit të Topit të Artë me PSG-në do ta mbajë atë në Paris deri në vitin 2023 – megjithëse ai ka mundësinë e një viti shtesë.

Raporte të shumta thonë se Messi do të fitojë plot 35 milionë euro në vit pas taksave apo 2.91 milionë euro në muaj dhe 729.000 euro në javë.

Gazeta argjentinase TyC Sports ka zbuluar gjithashtu detaje të tjera në lidhje me kontratën e Messit.

Ata thonë se përparësia e Messit kur vjen puna te ndeshjet zyrtare dhe ndeshjet miqësore do të jetë kombëtarja e Argjentinës.

Në thelb, pasi më në fund fitoi një trofe ndërkombëtar kur ngriti Copa America në verë, Messi është angazhuar masivisht ndaj ekipit kombëtar dhe është i etur për t’u përfshirë shumë për të shkuar në Kupën e Botës në Katar vitin e ardhshëm.

Lionel Messi has a clause in his PSG contract that states that the Argentina national team would be his priority when it comes to playing official matches and friendly games.

In addition, the Argentina staff would have access to PSG's facilities. This via TyC Sports.

— Roy Nemer (@RoyNemer) August 10, 2021

Kështu, PSG nuk do të jetë në gjendje ta pengojë atë nga përfaqësimi i vendit të tij kur të jetë mundësia e zgjedhjes.

Për më tepër, është rënë dakord që stafi i Argjentinës të ketë qasje në objektet e PSG-së.

Messi bëhet argjentinasi i katërt në skuadrën e parisianëve, duke u bashkuar me bashkatdhetarët e tij si Angel Di Maria, Leandro Paredes dhe Mauro Icardi.

Behind the scenes in Messi's first day in Paris.
❤️💙 #PSGxMESSI

— Paris Saint-Germain (@PSG_English) August 10, 2021

34-vjeçarit thuhet se iu ofrua fanella me numër 10 nga shoku i tij i ngushtë dhe ish-bashkëlojtari i tij Neymar, por argjentinasi me respekt e refuzoi.

Në vend të kësaj, ai është kthyer te fanella me numër 30 që kishte veshur në debutimin e tij për Barçën.

Interesante është se rregullat e Ligue 1 përcaktojnë se numri 30 duhet të vishet nga një portier, por si duket drejtuesit e ligës kanë bërë një përjashtim për Messin.

Për arsye të ngjashme që përfshijnë numra specifikë të skuadrës, Barca nuk është në gjendje të tërheqë fanellën me numër 10 në Camp Nou nëse nuk heqin dorë nga një hapësirë ​​e përhershme në skuadrën e saj për shkak të rregullave të La Ligas.

34-vjeçari mund të bëjë debutimin e tij për klubin kundër Strasburgut të shtunën. /Telegrafi/