Kosovës dhe në veçanti Prishtinës prej dy vitesh i ka munguar njëri nga festivalet që bëri bujë të madhe ndërkombëtare e zgjoi kureshtje për të njohur më shumë vendin e kulturën tonë.
Por, duket se pritjes së gjatë tashmë i erdhi fundi.
“Sunny Hill” është konfirmuar se do të rikthehet sivjet pas dy vitesh pauzë për shkak të gjendjes e përhapjes së vazhdueshme me COVID-19.
View this post on Instagram
Dhe siç rëndom ndodh, duke marrë parasysh që ngjarja e madhe kulturore mbahet në fillim të muajit gusht, përgatitjet veçse kanë filluar.
Njëri prej organizatorëve të “Sunny Hill”, Alban Kastrati, në një bisedë për Telegrafin ka dhënë më shumë detaje rreth asaj se çfarë do të ketë këtë vit.
“Tashmë është konfirmuar që Sunny Hill Festival do të mbahet, dhe të gjitha përgatitjet janë duke u bërë që ky të jetë edicioni më i madh i Sunny Hill i bërë deri tani – si për nga numri i pjesëmarrësve që do të jenë pjesë në festival, poashtu edhe numri i artistëve performues”, ka thënë Kastrati për Telegrafin.
Ai shton se ky edicion do të zgjerohet për të mbështetur segmente të shoqërisë me vlera të ndryshme.
“Ky edicion do të zgjerohet e masovizohet, për tu shndërru në një platformë të madhe e cila mbështet shumë segmente të shoqërisë dhe krijon vlerë të rëndësishme ekonomike, sociale dhe kulturore për vendin tonë”, thekson ai.
Megjithëse festivali organizohet gjithnjë nën përkrahjen e Komunës së Prishtinës, Kastrati bën të ditur se janë në fund të diskutimeve, në mënyrë që “Sunny Hill” ta realizojë gjithë potencialin e vet.
“Natyrisht ne presim mbështetje të plotë nga Komuna e Prishtinës, Ministria e Kulturës dhe gjitha institucionet tjera relevante. Me Komunën e Prishtinës diskutimet janë në fazën finale, dhe kemi marrë zotime shumë të rëndësishme dhe të nevojshme nga Kryetari Rama dhe i gjithë ekipi i tij – në mënyrë që Sunny Hill ta realizojë gjithë potencialin e vet, për të sjellë dhjetëra mijëra njerëz në Prishtinë nga e gjithë bota, për të promovuar Prishtinën dhe gjithë Kosovën në mbarë botën (siç ka ndodhur në edicionet e kaluara), për të krijuar vlerë e ndikim të shumëfishtë për qytetin tonë”, vazhdon tutje ai.
Pavarësisht se është paksa herët për të zbuluar të gjitha detajet, premtohet se Prishtina sërish do të jetë në qendër të rajonit, e shumë vendeve në botë.
“Në pamundësi me i zbulu gjitha detajet, mund të themi se këtë verë Prishtina do ta merr sërish gjithë vëmendjen e rajonit, Evropës Juglindore e shume vendeve të ndryshme të botës, sepse do ta kemi një edicion të festivalit i cili do të përflitet e mbahet në mend gjatë, prej gjithë atyre që do ta kenë rastin ta përjetojnë”, thotë në vazhdim Kastrati.
Sa i përket lokacionit të festivalit, që është diskutuar shpesh e madje hamendësuar për vendet, në vitin 2019 ishte nënshkruar një marrëveshje nga ish-ministri i Tregtisë dhe Industrisë, Endrit Shala dhe organizatori i “Sunny Hill”, Dukagjin Lipa, që nga viti pasues të mbahej në Bernicë.
Përkundër kësaj, siç shihet akoma nuk ka një lokacion të saktë dhe sipas Albanit është në diskutim e sipër.
“Kjo është çështje që po e finalizojmë bashkë me Komunën e Prishtinës dhe shumë shpejtë do të kemi njoftime të përbashkëta publike”, përfundon ai.
Kur ka nisur “Sunny Hill” dhe cili është qëllimi i festivalit?
Festivali që ka shkaktuar jehonë ndërkombëtare ka nisur në vitin 2018.
Ky koncert është mbajtur për dy vite radhazi, 2018 dhe 2019 në fillim të muajit gusht në Parkun e Gërmisë. U bë një pauzë prej dy vitesh si pasojë e situatës epidemiologjike me coronavirus.
Festivali, nën drejtimin e babait të Dua Lipës, Dukagjin Lipës, në edicionet e mëparshme të “Sunny Hill” solli yje e artistë të mëdhenj të tregut ndërkombëtar.
Qëllimi kryesor i festivalit është të promovohet Kosova dhe mundësia e ndarjes së platformës së “Sunny Hill Festival” me artistë të mëdhenj botërorë, përfshirë edhe ata lokalë.
Kush ishin disa nga yjet botërorë që performuan në “Sunny Hill”?
“Sunny Hill Festival” në vitin 2018 u mbajt më 10, 11 dhe 12 gusht në Parkun e Gërmisë.
Në mesin e 30 artistëve që do të performonin ishin edhe: Dua Lipa, Action Bronson, DJ Martin Garrix, Stanaj, SG Leëis, Col3trane, Grace Carter, Bondax dhe shumë këngëtarë të tjerë të famshëm shqiptarë.
Nga yjet vendorë interpretuan: Ledri Vula, MC Kresha, Lyrical Son, Dafina Zeqiri, Gjiko, Lumi B, Buta, Kidda, ODA, Jericho, Gamblemania, Asgjë Sikur Dielli, Genc Salihu, Shpat Deda, Dren Abazi dhe Zig Zag Orchestra.
Në po atë vit, 25 për qind e të hyrave neto që mbetën nga festivali iu dhuruan organizatave kosovare që kujdesen për zhvillimin e fëmijëve kosovarë, posaçërisht atyre me nevoja të veçanta.
“Jam shumë krenare me babanë tim, Dukagjin Lipa, i cili pati një ide dhe një ëndërr dhe po bën pikërisht atë që ka thënë se do ta bëjë”, kishte thënë Dua aso kohe.
“Ai kishte idenë të krijonte një festival në Prishtinë, Kosovë, me shumë yje ndërkombëtare dhe vendore, për të ndihmuar që Kosova të shfaqej kulturalisht në hartë”.
“Sunny Hill Festival 2019” ndërkohë u mbajt më 2, 3 dhe 4 gusht.
Pas edicionit të parë me mbi 40 artistë të huaj dhe lokal, “Sunny Hill” gjithashtu një vit më pas solli emra të tjerë të mëdhenj të muzikës botërore, në zhanret pop, hip hop dhe muzikë elektronike.
Në edicionin e dytë po ashtu kishte yje të njohur si: Calvin Harris, G4shi, Miley Cyrrus e Klangkarussell. Në po të njëjtin event madhështor nuk munguan as: Ilira, Njomza Vitia e të tjerë këngëtarë shqiptarë.
Edicionet e kaluara lirshëm mund të thuhet se kanë qenë të mrekullueshme, duke marrë madje edhe vëmendjen e tabloideve të huaja si: New York Times, The Guardian, Vogue, MTV, BBC, Reuters dhe dhjetëra media tjera me renome.
View this post on Instagram
I njëjti eveniment është përfolur edhe në mediat e vendeve që nuk e kanë njohur Kosovën, sikurse Brazili e Spanja. /Telegrafi/
View this post on Instagram
Promo
Reklamo këtu
Nga Telegrafi Jobs
Nga Unisolar
Nga thirr.com
Nga Pro Transport
Lufta Prigozhin - Putin
Më shumë
G Bani shkon për ta kontrolluar Gjestin teksa po qëndronte nën ujë pa lëvizur në vaskë
Vetëm dy ditë pas hyrjes - Gjestit i vie një dron në Big Brother VIP Albania
“Kisha plas me më mbajt peng një djalë tre muaj”, Sara shpërthen në lot pas debatit me Gresën
Stresi tregon se përse po e mbështet Gjestin: Meritonte dalje madhështore prej Big-ut të Kosovës
Gjesti fut dy produksionet në “sherr”- BBVK paralajmëruan se do të shfaqej rrëfimi i Gjestit, por më pas pendohen dhe e fshijnë
Anisa i del në krah Gjestit teksa thumbon produksionin: Duhet ta falënderojë Leon që e largoi prej një vendi ku gjërat po shihen tashmë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Anisa i del në krah Gjestit teksa thumbon produksionin: Duhet ta falënderojë Leon që e largoi prej një vendi ku gjërat po shihen tashmë
Gjesti fut dy produksionet në “sherr”- BBVK paralajmëruan se do të shfaqej rrëfimi i Gjestit, por më pas pendohen dhe e fshijnë
"Mos prek me dorë", tensionohet situata mes Gjestit dhe Gertit në Big Brother VIP Albania
Vrasja e Ramazan Matajt, flet babai i autorit: Djali im të marrë dënimin e merituar
Ish-fituesi i Big Brother qe inicoi idenë e Gjestit në BBVA tregon paraskenat e transferimit: Ishte i mërzitur, e gjetëm në hotel të dëshpëruar
Çfarë do të thotë kërcënimi i Donald Trump për të marrë kontrollin e Grenlandës për BE-në dhe NATO-n?