Emërimi i zëvendësministrave, është një proces të cilin deputetët opozitarë, në vazhdimësi e ngrisin në Kuvendin e Kosovës. Ata kritikojnë Qeverinë për emërime kohë pas kohë të zëvendësministrave dhe për mungesë transparence në këtë drejtim.
Deputetja e AAK-së, Teuta Haxhiu, që me profesion është matematiciente, thotë se ata zëvendësministra që dihet që janë emëruar deri më tani, buxhetit të Kosovës i kushtojnë 168 mijë euro.
Deputeten e Aleancës për Ardhmërinë e Kosovës, Teuta Haxhiu, duket se çështja e emërimit të zëvendësministrave, e shqetëson më shumë se të tjerët. Ajo shumë shpesh e shtron në Kuvend si pyetje parlamentare këtë çështje, ndërsa thotë se do të vazhdojë edhe më tej ta bëjë të njëjtën pyetje për kryeministrin Isa Mustafa.
Haxhiu, që me profesion është matematiciente, thotë se përpos që ka numër të madh të ministrave, Qeveria Mustafa ka edhe shumë zëvendësministra që po i kushtojnë buxhetit të Kosovës, e që sipas saj, po emërohen fshehurazi.
“Nga kalkulimet që i kam bërë, diku 168 mijë euro i kushtojnë buxhetit të Kosovës, zëvendësministrat, me këtë numër që unë kam njohuri, por ndoshta duke shtuar edhe numrin e komuniteteve është një vlerë edhe më e madhe. Thjesht nuk është se po i ndihmojnë Qeverisë, vetëm sa për t’i plotësuar apetitet e militantëve partiakë dhe joprofesionalë”, tha Haxhiu për Radio Kosovën.
Haxhiu thotë se shifra e shpenzimeve mund të jetë edhe më e madhe, duke pasur parasysh edhe luksin e tepruar që e kërkojnë zëvendësministrat, me rregullimin e zyrave, me udhëtime zyrtare, e me shetitje me makina zyrtare edhe jashtë orarit të punës.
Analisti politik Imer Mushkolaj e konsideron të padobishëm postin e zëvendësministrit.
“Posti i zëvendësministrit, nga praktika që kemi parë deri më tash, është vetëm një post thithë para nga buxheti i Kosovës dhe privilegje nga të qenit në këtë pozitë. Përndryshe nuk është se e zëvendëson ministrin në momente të caktuara kur ai është në ndonjë udhëtim zyrtar apo ndonjë angazhim tjetër”, thotë Mushkolaj.
Radio Kosova ka siguruar listën e plotë të zëvendësministrave të emëruar deri më tani, e që janë gjithsej 28.
Por, ky numër pritet të rritet, duke pasur parasysh faktin që sipas marrëveshjes së koalicionit PDK-LDK, ishte paraparë që të jenë së paku nga dy zëvendësministra në një dikaster, ndërsa në disa ministri ku përfaqësohen komunitetet pakicë, mund të jenë edhe nga tre zëvendësministra.
Më poshtë mund ta shihni listën e plotë:
Lista e Zëvendësministrave
Jorxhi Shala, zëvendësministër në MKK
Avni Kastrati, zëvendësministër në MTI
Besa Gashi, zëvendësministre në MZHE
Bajram Gecaj, zëvendësministër në MAPL
Fadil Gashi, zëvendësministër nëMFSK
Hajredin Hyseni, zëvendësministër në MAP
Lirak Çelaj, zëvendësministër në MD
Mustafe Myrtaj, zëvendësministër në MAP
Qazim Rahmani, zëvendësministër në MPMS
Ramadan Ilazi, zëvendësministër në MIE
Rexhep Hoti, zëvendësministër në MKRS
Sahit Krasniqi, zëvendësministër në MeD
Vezir Januzaj, zëvendësministër në MBPZHR
Elfete Shabani Zëvendësministre në MKRS
Rita Hajzeraj-Beqaj, Zëvendësministre në MPMS
Petrit Selimi, zëvendësministër në MPJ
AgimKrasniqi, zëvendësministër në MF.
Ferat Shala, zëvendësministër në MMPH
Qaush Balaj, zëvendësministër në MKK
IsniKilaj, zëvendësministër në MF
Fehmi Mujota, zëvendësministër në MI
Gani Koci, zëvendësministër në MZHE
Anila Statovci, zëvendësministër në MASHT
Kurtan Kajtazi, zëvendësministër në MSH
MuhametLatifi, zëvendësministër në MFSK
KadirHuseini, zëvendësministër në MSH
Izet Sadiku, zëvendësministër në MSH
Mendim Rugova, zëvendësministër në MMPH
Promo
Reklamo këtuLufta Prigozhin - Putin
Më shumëE refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Bombardimi i konsullatës në Ukrainë, Qeveria shqiptare interesohet për provat
Gara për Parlamentin Evropian, Emma Bonino mbështet fuqishëm kandidatin shqiptar, Muharrem Salihu
Ushtria shqiptare po ringrihet, 1.8 mld euro për transformim
Ramadani “dekonspiron” regjisorin serb: Po mundohet ta përgatisë opinionin perëndimor për planet serbe ndaj Kosovës
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron