KKZ Kumanovë: Në tre vendvotime është ndërprerë votimi, në njërin ka humbur vula

Në dy vendvotime në Kumanovë për shkak të mosfunksionimit të aparateve biometrike, vendvotimet nuk janë hapur me kohë, në një vendvotim 1090 ka humbur vula, njoftuan sot nga Komisioni Komunal Zgjedhor (KKZ) – Kumanovë.

“Sot në mëngjes në Kumanovë janë hapur 164 nga gjithsej 167 vendvotime. Tre nuk ishin të hapura. 1075 për faktin se aparatet biometrike nuk ishin në funksion për më shumë se tre orë, pavarësisht të gjitha përpjekjeve për të futur të reja. Edhe për qendrën e votimit 1100. Ndërsa në vendvotimin 1090 ka humbur vula. Në këto vende, sipas informacioneve të mia, votimi nuk ka vazhduar gjatë ditës. Ne prisnim vendimin e KSHZ-së për ndërprerjen e votimit dhe votimi do të përsëritet”, tha kryetarja e KKZ Kumanovë, Elizabeta Stojkovska.

Për pjesën tjetër të vendeve, nuk ka ndonjë vërejtje të veçantë përveç pajisjeve biometrike në disa vende.

“Në vendvotime zakonisht nuk ka ankesa kur aparatet biometrike nuk e regjistron gjurmën e gishtit, por ka mënyrë për të votuar me letërnjoftim nëse votuesi është i regjistruar në listën zgjedhore duke ushtruar të drejtën e votës”, tha Stojkovska.