Valverde tregon se çfarë i tha Moratas pas ndeshjes në Superkupën e Spanjës, ku ai i ndërhyri nga mbrapa spanjollit

Federico Valverde ka zbuluar se çfarë i ka thënë Alvaro Moratas për faullin që i bëri në finalen e Superkupës së Spanjës.

Real Madridi e mposhti Atletico Madridin në garën e tretë më të rëndësishme në Spanjë me anë të penalltive, pasi koha e rregullt përfundoi pa gola.

Por, në minutën e 115-të, mesfushori uruguaian shkaktoi një faull në sulmuesin spanjoll, për t’i mohuar kështu një shans të mrekullueshme për gol, mirëpo më pas u përjashtua nga loja me karton të kuq.

Valverde ka thënë se pas ndeshjes i ka kërkuar falje Moratas për ndërhyrjen që në fund doli të jetë vendimtare për Los Blancos.

“I kam kërkuar falje Moratas. Nuk ishte gjë e mirë ajo çfarë bëra, por duhej ta bëja”, ka thënë ai pas ndeshjes.

Lexo po ashtu Mbështetja e Simeones për Valverden në kartonin e kuq ndaj Moratas - uruguaiani ia fitoi Realit Superkupën e Spanjës

“Jam i lumtur me trofeun e fituar, Kur përfunduan penalltitë, jam futur në fushë dhe kam vrapuar për të festuar. Të gjithë në fushë më uruan, ky trofe është për të gjithë”, ka shtuar më tej Valverde.

Mesfushori me atë ndërhyrje në spanjollin arriti që ta dërgonte ndeshjen në vazhdime, pasi ish-anëtari i Chelseat e Juventusit kishte qenë përballë vetëm me Thibaut Courtoisin dhe ndoshta mund të kishte shënuar për ta mbyllur kështu ndeshjen para se të shkonte në penallti. /Telegrafi/