Kjo është rutina e përditshme e miliarderit Jeff Bezos që e shpie atë drejt suksesit

Jeff Bezos është përgjegjës për shumë gjëra. Ai është CEO i Amazon, themeluesi i Blue Origin dhe pronari i The Washington Post.

Çuditërisht, ditët e tij nuk janë të nxituara. Në vend të kësaj, Bezos i duhet kohë për të pushuar, rimbushur dhe marrë vendime me kujdes, i tha ai auditorit në Klubin Ekonomik të Washingtonit.

Ja se si duket një ditë tipike për Bezos:

Ai zgjohet herët

“Unë shkoj në shtrat herët, zgjohem herët”, tha Bezos në këtë ngjarje. Drejtorët e tjerë ekzekutivë dihet se zgjohen para diellit: CEO i Apple Tim Cook është zgjuar në orën 3:45 të mëngjesit, ndërsa CEO i Ellevest, Sallie Krawcheck dhe CEO i Pepsi, Indra Nooyi ngrihen para orës katër.

Ai luan golf dhe ha mëngjes me familjen e tij

Sapo të ngrihet, Bezos i kushton pak kohë vetes: “Më pëlqen të luaj golf në mëngjes”, tha ai. “Më pëlqen të lexoj gazetë, më pëlqen të pi kafe, më pëlqen të ha mëngjes me fëmijët e mi para se të shkojnë në shkollë”, shpjegoi Bezos.

Bezos ka qenë i njohur për të bërë mëngjes të mirë, ai dikur kishte gatuar petulla me çokollatë dhe boronica për lojtarin Russell Wilson dhe këngëtaren Ciara.

View this post on Instagram

A post shared by Jeff Bezos (@jeffbezos)

Dhe, ai shpesh është përgjegjës për të larë enët. Bezos mund të merret me diçka: Gatimi ose pastrimi, mund të jetë e dobishme për krijimtarinë, sipas një studimi të Universitetit të Kalifornisë, Santa Barbara. Kalimi i kohës në detyrat pa mendje e lejoi mendjen të endet dhe të jetë më krijuese, zbuluan studiuesit.

Ai fillon me takimet e tij më të rëndësishme

Kur Bezos është gati të kthehet në punë, i kushton të gjithë fokusin Amazon: “Unë e caktoj takimin e parë për në 10 të mëngjesit”, shpjegon ai. Takimet e para të ditës janë ato që kërkojnë më shumë fuqi të trurit. “Më pëlqen të bëj takimet e rëndësishme para drekës, nëse diçka do të jetë vërtet sfiduese mendore, është një takim në orën 10:00 të mëngjesit”, thotë ai.

Sipas një studimi nga biologu Christoph Randle, “Njerëzit, performanca e të cilëve arrin majat në mëngjes, janë të pozicionuar më mirë për suksesin në karrierë, sepse ata janë më aktivë sesa njerëzit që janë më të mirët në mbrëmje”.

Ai tërheq një vijë kur është i lodhur

Në fund të ditës, Bezos përpiqet të shmangë marrjen e vendimeve. “Pas orës pesë pasdite, unë jam duke thënë: ‘Unë nuk mund të mendoj për këtë sot, le ta provojmë përsëri nesër në orën 10:00 të mëngjesit’”, thotë Bezos duke qeshur.

Ai sigurohet që të fle mjaftueshëm

Për të qenë sa më efektiv në marrjen e vendimeve, Bezos gjithashtu i jep përparësi gjumit. “Unë fle tetë orë, përveç nëse udhëtoj në zona të ndryshme kohore”, shpjegon ai. “Ndonjëherë është e pamundur, por unë jam shumë i fokusuar në të. Unë, kam nevojë për tetë orë gjumë. Mendoj më mirë, kam më shumë energji, gjendja shpirtërore është më e mirë, të gjitha këto gjëra”. Në të vërtetë, është pjesë e konceptit të harmonisë së Bezos “punë-jetë”.

E gjitha ka të bëjë me vendosjen e tij drejt suksesit

“Mendoni për këtë, si drejtues i lartë, çfarë paguheni vërtet për të bërë?”, thotë Bezos. “Si një drejtues i lartë, paguheni për të marrë një numër të vogël vendimesh me cilësi të lartë. Detyra juaj nuk është të merrni mijëra vendime çdo ditë”.

Si e sheh ai, nëse nuk kujdesesh për veten, “cilësia e atyre vendimeve mund të jetë më e ulët sepse jeni të lodhur ose të mërzitur ose gjëra të tjera”. /Telegrafi/