Kishte dhuruar vetëm 94 dollarë donacion për myslimanët me nevojë, Rusia e dënon Georgy Guyevin me 6 vite burg

Georgy Guyev, një mysliman me origjinë nga Osetia e Veriut, që kur ishte student, ai ishte përfshirë në punë bamirësie duke u përkushtuar për t’i ndihmuar komunitetit si brenda dhe jashtë Rusisë.

Në muajin maj 2019, një nga miqtë e Georgyt kishte shprndarë një lidhje nga faqja e internetit e Fondacionit Bëmirës “Living Hearts”, e cila pretendonte se po grumbullonte para për të ndërtuar shkolla, siguruar ujë dhe ushqim për komunitetet myslimane me nevojë në Afrikë.

Duke u ndjerë i përfshirë për të ndihmuar kauzën, Georgy transferoi një shumë të vogël parash në llogarinë e këtij Fondacioni. Menjëherë pas kësaj, ai u arrestua dhe u akuzua për financimin e terrorizmit, sipas Kodit Penal rus.

Dy ditë pas arrestimit, ai u akuzua për “[transferimin] e të paktën 680 mijë dollarëve për Shtetin Islamik, për të financuar përgatitjen dhe kryerjen e akteve terroriste si dhe për të mbështetur luftën e armatosur në Siri”.

Si dëshmi, shteti kishte marr për bazë dëshminë e Anna Papushinas, e cila ishte financiere në Fondacionin në të cilin Georgy transferoi paratë. Papushina kishte pretenduar se Fondacioni ka mbledhur para për të mbështetur xhihadin dhe se Guyev kishte njohuri për qëllimet e vërteta të Fondacionit nga bisedat e tij në Telegram, në të cilin ai ishte anëtar. 

Guyev pretendoi se ai kurrë nuk ishte anëtar i bisedave të tilla dhe se hetimet nuk e provuan të kundërtën. Për më tepër, Qendra Përkujtimore e të Drejtave të Njeriut beson se Papushina u detyrua të sigurojë këtë dëshmi të rreme pasi u kërcënua nga policia të burgosej për dekada nëse refuzonte të bashkëpunonte. Papushina u vendos në arrest shtëpiak, ndërsa Guyev, i cili ka mohuar të gjitha akuzat, tani është duke u mbajtur në një qendër paraburgimi për më shumë se një vit.

Ai u tha hetuesve se kishte lexuar për Fondacionin dhe se donacionet e bëra nga udhëheqësi i Çeçenisë, Ramzan Kadyrov dhe ish-kryetari Igushetisë, Yunus-Bek Yevkurov ngjallën besim te Georgy se ai po dhuronte paratë e tij për një kauzë të mirë.

Pasi avokatët mbrojtës të Guyevit apeluan çështjen, ku u pohua se ai nuk kishte në dispozicion dhe nuk kishte dhënë 680 mijë dollarë.

Pra, për të fryrë statistikat e tyre të hetimeve të suksesshme të aktiviteteve terroriste, inteligjenca ruse, Guyevin e kishte arrestuar për dhurimin e kësaj shume, por prokuroria në mungesë të provave për lidhje terroriste, e kishte ndryshuar vlerën e dhurimit në vetëm 94 dollarë.

Më 20 nëntor 2020, gjykata ka dënuar Georgyn me gjashtë vite burg. /Telegrafi/