Këto nuanca të flokëve do të rifreskojë imazhin tuaj dhe do t’ju bëjnë të ndryshoni plotësisht stilin

Nëse vendimi juaj i vitit të ri është të jeni pak më të guximshëm me pamjen tuaj, një orar në një sallon bukurie është mënyra më e lehtë për ta arritur atë

Një ndryshim në ngjyrën e flokëve mund të rrisë vetëbesimin tuaj, të rifreskojë imazhin tuaj apo edhe t’ju bëjë të ndryshoni plotësisht stilin tuaj.

Sigurisht që viti i ri nuk mund të mos nxirrte në pah tendencat e reja. Edhe pse disa tendenca klasike po rikthehen fuqishëm për sa i përket nuancave, viti që sapo ka nisur premton të na befasojë me opsione inovative dhe interesante.

Më poshtë kemi përmbledhur tendencat kryesore të ngjyrave të flokëve që do të shfaqen në vitin 2025.

Bionde e artë

Nuancat e ftohta të biondes po largohen për t’i lënë vendin nuancave më të ngrohta, të arta dhe të ‘ëmbla’. Këto nuanca ofrojnë ngrohtësi, duke i bërë ato ideale për muajt më të ftohtë të vitit.

View this post on Instagram

A post shared by Sabrina Carpenter (@sabrinacarpenter)

“Cherry Cola”

E kuqja vazhdon të jetë trend, me nuancat më të reja dhe më të guximshme që fitojnë terren. E kuqja e errët me nuanca vjollce i përshtatet të gjitha nuancave të lëkurës dhe i jep një ndjesi të theksuar dhe të dallueshme të gjithë pamjes. Kjo nuancë duket se ka një bukuri të veçantë për ato që duan t’i japin intensitet pamjes së tyre.

View this post on Instagram

A post shared by DOVE (@dovecameron)

Moka

Nuancat e kafesë me një shkëlqim të fortë, nga moka më e lehtë deri tek ekspresi më i errët, vazhdojnë të jenë të kërkuara. Në veçanti, viti 2025 pritet të nxjerrë në pah nuancat brune si një nga tendencat që do të kombinojë shkëlqimin me tonet e ftohta.

View this post on Instagram

A post shared by Chris Appleton (@chrisappleton1)

Eko bionde

Trendi i nuancës eko bionde është frymëzuar nga ikonat e stilit të viteve ’90 dhe karakteristika kryesore e tij është natyraliteti. Ngjyra duhet të jetë shumë afër natyrales, në mënyrë që të mos kërkojë lyerje të shpeshta teksa rrënja rritet, ndërsa trendi mund të përshtatet me çdo nuancë lëkure, qoftë me nëntone më të ngrohta, qoftë me ato më të ftohta.

View this post on Instagram

A post shared by Dimitris Giannetos (@dimitrishair)

Shkëlqimi i “Orës së Artë”

Ngjyrat e perëndimit të diellit frymëzojnë këtë trend, duke shtuar nuanca të ngrohta në flokët biondë për një pamje të thjeshtë dhe natyrale që të kujton diçka nga vitet ’70, citon Anabel.

View this post on Instagram

A post shared by ℛ♡✗ℽ ツ (@roxyhorner)

Bakri

Bronzi klasik do të vazhdojë të jetë në modë, me nuancat më të lehta dhe më të ndezura që do të fitojnë terren. Ky trend përfshin përdorimin e kontrasteve të forta, me nuanca të lehta dhe të ndritshme rreth fytyrës dhe rrënjë më të errëta për të krijuar një ndjenjë ‘luksi’.

View this post on Instagram

A post shared by Lindsay Lohan (@lindsaylohan)

Y3K

Trendi Y3K, i frymëzuar nga teknologjia dhe look-u metalik i K-beauty, nxjerr në sipërfaqe nuanca si argjendi. Një trend ideal për ata që duan të eksperimentojnë me pamje më të guximshme dhe inovative, të frymëzuara nga teknologjia moderne dhe tendencat e meta-bukurisë.

View this post on Instagram

A post shared by Guy Tang® (@guy_tang)

/Telegrafi/