Këto janë 20 plazhet më të bukura në botë, dhe gjysma prej tyre gjenden në Evropë

Ëndërrimet për ujë kristal të pastër po ashtu dhe plazhe me rërë janë gjithçka që ju nevojitet për të planifikuar pushimet tuaja të radhës.

Pas një viti të pandemisë së coronavirusit dhe disa bllokimeve, kufizimet e udhëtimeve kanë filluar të lehtësohen në disa vende.

Ndoshta tani do të ishte koha, që ne të ëndërrojmë për disa pushime, dhe ndoshta të largohemi nga përditshmëria, raporton EuroNews, transmeton Telegrafi.

Uebfaqja britanike money.co.uk ka analizuar mbi 26 milionë ‘hashtags’ në Instagram të cilat kanë të bëjnë me plazhet në të gjithë botën. Të dhënat u mblodhën në qershor të këtij viti, për të marrë rezultatet më të fundit.

Kompania përdori të dhënat për të llogaritur sa postime në Instagram ishin ndarë për metër rërë. Plazhet me më shumë postime në Instagram për metër u renditën më pas për të krijuar një listë të plazheve më piktoreske në botë.

Ndër 20 rezultatet që dolën nga kjo analizë e të dhënave, Evropa është shtëpia e gjysmës së brigjeve të bukura të paraqitura.

20.Plazhi Sitges, Barcelonë, Spanjë

Gjerësisht i konsideruar si vendi i përsosur në Barcelonë për një ditë familjare në plazh, Sitges është i njohur për ujërat e qetë dhe për rërën super të butë.

19. Durdle Door, Dorset, Angli

Shtëpia e harkut më të famshëm prej guri kudo në botë, Durdle Door, është ndoshta pika historike më e fotografuar përgjatë Bregut Jurassic.

Ndryshe prej shumë destinacioneve të tjera në këtë listë, ky plazh ka përzierje të rërës me guralecë dhe zall që e bën atë të duket më unik dhe i denjë për një postim në Instagram.

18. Plazhi Bal Harbour, Miami, SHBA

Bal Harbour është një enklavë e vogël ku mund të gjeni pak paqe dhe qetësi, larg nga zhurma e jetës në Miami.

17. Lanikai Beach, Hawaii, SHBA

Mendohet të jetë një nga O’ahu në perlat e fshehura të Hawaiit, kjo është një nga atraksionet e rralla turistike që në të vërtet shijohet edhe nga banorët e zonës.

Rëra është e imët dhe me pluhur, uji është i pastër kristal dhe ishujt Mokulua krijojnë një sfond mahnitës. Ju madje mund të shihni një breshkë deti duke notuar në ujë, transmeton Telegrafi.

16. Plazhi Kitsilano, Vankuver, Kanada

I njohur ndryshe si ‘Kits Beach’ për vendasit, vendi me numër 16 në listë, ka diçka për të gjithë. Nga banja në diell në sportet ekstreme të ujit.

Me zona të caktuara për notarët, njerëzit mund ta shijojnë notin derisa përqafoni horizontin e Vankuver dhe malet përreth.

15. Cala Gat, Cala Ratjada, Spanjë

I shtrirë në periferi të Cala Ratjada, ky është plazhi i dytë më i vogël në listë. Megjithëse është i vogël, ai ka shumë për të ofruar – vendi ka një përzierje të pemëve dhe majën e shkëmbinjve që rrethojnë Cala Gat.

14. Freedom Beach, Phuket, Tajlandë

Deti i qetë që rrethon këtë plazh është definicioni i detit me ngjyrën jeshile-blu. E quajtur si “Perla e Phuket”, është i zhytur në një liman të vogël që është i rrethuar nga një xhungël tropikale dhe pemë të larta kokosi, raporton EuroNews, përcjell Telegrafi.

13. Cala Goloritze, Baunei, Itali

Një plazh i vogël por i veçantë, ujërat e Cala Goloritze paraqesin hije të pabesueshme të blusë dhe jeshiles. Plazhi qëndron në rrëzë të një përroske të thellë, që u krijua natyrshëm nga një rrëshqitje dheu në vitin 1962.

12. Plazhi Margate, Kent, Angli

Nëse do të duhej të përshkruani një vendpushim klasik bregdetar britanik, Margate Beach është pikërisht ai vend. Ky plazh është pak a shumë i përjetshëm, duke shfaqur një pishinë baticash dhe udhëtime argëtuese.

11. Cala Saona, Formentera, Spanjë

Ashtu sikurse një skenë e një kartoline evropiane, Cala Sona iu ofron vizitorëve mundësinë të kalojnë gjithë ditën duke bërë banjo dielli, duke notuar dhe duke u freskuar deri në orën 21:00 kur dielli fillon të perëndojë.

10. Plazhi Blue Point, Ungasan, Bali

Ky plazh i bukur me korale mund të arrihet vetëm përmes një hendeku të ngushtë të fshehtë midis shkëmbinjve që mbyllin plazhin. Udhëtimi i vështirë e bën atë të ndjehet edhe më shumë si një thesar.

9. Plazhi Boulders, Cape Town, Afrika e Jugut

Në plazhin Boulders, do të keni shansin të rrethoheni nga banorët e saj më të njohur – një koloni e pinguinëve afrikanë. Në të vërtetë është vendi i vetëm në botë ku mund t’iu afrohesh kaq shumë këtyre krijesave të veçanta, prandaj mbi 60,000 njerëz vizitojnë plazhin çdo vit.

8. Praia do Camilo, Lagos, Portugali

Ndoshta një nga plazhet më ikonike të Algarve, Praia de Camilo është i pasur me një rërë të artë dhe ujëra të pastra.

7. Plazhi Tenby North, Pembrokeshire, Uells

Plazhi Tenby North është një pjesë e parajsës së Uellsit, është i mbyllur nga shtëpitë e qytetit me ngjyrë pastel dhe shkëmbinjtë e thyer.

6. Hanauma Bay, Hawaii, SHBA

Si një nga destinacionet turistike më të njohura në Ishullin Oʻahu në lagjen e Lindjes Honolulu, Hanauma Bay duket si diçka nga filmi Moana nga Disney.

5. Plazhi Navagio, Zakynthos, Greqi

Kjo shtrirje mahnitëse e rërë njihet gjithashtu edhe si Plazhi i Mbytjes së Anijes.

4. Plazhi Tropea, Kalabria, Itali

Një vendpushim klasik italian, që shpërthen nga hijeshia, Plazhi Tropea qëndron në Detin Tirren. Quhet ndryshe Costa degli Dei, ose ‘Bregu i Perëndive’, duke e bërë të preferuar për turistët gjithashtu edhe për vendasit.

3. Plazhi Railay, Krabi, Tajlandë

Dikur një fshat peshkimi i qetë në Krabi, Railay Beach tani është një destinacion turistik i klasit botëror. Ajo që e bën këtë vend të ndihet edhe më i veçantë është se ai është shkëputur nga pjesa tjetër e kontinentit nga një varg kodrash të thepisura, që do të thotë që ju mund të arrini atje vetëm me anije.

2. Plazhi Bondi, Sidney, Australi

Një nga atraksionet më të mëdha në Australi për turistët ashtu edhe vendasit, rëra në formën e gjysmëhënës të Bondi Beach është pozicionuar në mënyrë të përshtatshme vetëm 7 kilometra larg nga Distrikti Qendror i Biznesit në Sidney.

1. Plazhi Kelingking, Nusa Penida, Bali

I kurorëzuar si plazhi më i bukur në botë, Plazhi Kelingking në Bali, është vetëm 80 metra i gjatë.

Nuk është për t’u habitur që është një vend i famshëm i fotografive, kur merrni parasysh shkëmbinjtë e famshëm në formën e një Tyrannosaurus Rex, një sfond i mahnitshëm i detit të ndritshëm blu dhe gjelbërimit nga bimët tropikale.