Këtë të premte në HaPiTe – Çrregullimi informativ në epokën digjitale

HaPiTe Space, një hapësirë e dedikuar për diskutime dhe ngjarje të ndryshme, po organizon një event të veçantë për të adresuar keqinformimin dhe dezinformimin në epokën digjitale. Ngjarja do të mbahet këtë të premte, më datë 10 nëntor 2023, nga ora 16:00. 

Diskutimi synon të nxisë ndërgjegjësimin për sfidat që paraqet shpërndarja e informacionit të rremë dhe si të identifikojmë përmbajtjen e prodhuar nga inteligjenca artificiale nga ajo e vërteta. 

Në event do të marrin pjesë personalitete të njohura dhe ekspertë në fushën e medias dhe teknologjisë, si Muhamet Hajrullahu, kryeredaktor në Telegrafi.com, Rezarta Delibashzade-Krasniqi, drejtoreshë ekzekutive në D4D, dhe Shkëlzen Osmani, Themelues i hibrid.info. 

Ky diskutim do të sjellë debat dhe ndarje të mendimeve lidhur me nevojën e burimeve të besueshme dhe strategjitë për të përballuar sfidat e keqinformimit dhe dezinformimit. 

Rezervo vendin: https://hapite.net/crregullimi-informativ-ne-epoken-digjitale 

HaPiTe Space është themeluar nga Hallakate, Pixels dhe Telegrafi, me qëllim të diskutimit të temave të ndryshme për komunitete të ndryshme.