Kërkohet nga top klubet evropiane, Reijnders i qëndron besnik Milanit me kontratë të re

Tiijani Reijnders është një nga futbollistët më të rëndësishëm të Milanit këtë edicion, ku po shkëlqen me gola dhe asistime.

Reprezentuesi holandez falë paraqitjeve fantastike me fanellën e Milanit, ka zgjuar interesimin e top klubeve evropiane si Arsenal, Chelsea,  Barcelona apo Real Madrid.

Megjithatë ai ka treguar dashurinë për klubin kuqezi, duke konfirmuar se së shpejti do të nënshkruajë një kontratë të re me klubin.

Lexo po ashtu Mikel Arteta shtyn Arsenalin që të bëjë një ofertë ‘astronomike’ për yllin e Milanit

“Unë jam i vendosur të nënshkruaj marrëveshje të re me AC Milan dhe jam shumë i lumtur”.

“Ky është një klub masiv dhe të zgjatesh pas vetëm një sezoni do të thotë shumë. Unë nuk kam nënshkruar ende, por ne jemi pothuajse aty”, deklaroi Reijnders.

Lexo po ashtu Reijnders sulmon mbrojtësit e tij: Nuk është e mundur t'i pësosh tre gola të njëjtë

Reijnders ka tërhequr interes nga disa prej klubeve të mëdha evropiane pas paraqitjeve të tij mbresëlënëse këtë sezon. Por ai dëshiron të qëndrojë në klubin që e ndihmoi të fitonte një rritje të famës.

26-vjeçari ka gjashtë gola dhe tre asistime në 17 paraqitje për Milanin këtë sezon, ku përfshihet edhe një gol kundër Real Madridit në Ligën e Kampionëve. /Telegrafi/