Ekspertë ët sigurisë e ish-diplomat i konsiderojnë jo të duhura deklaratat e kryeministrit Albin Kurti për kërcënimet e Serbisë. Sipas tyre kjo prodhon perceptimin e jostabilitetit në Kosovë e që është edhe synim i Vuçiqit.
Kryeministri i Kosovës, Albin Kurti, ka thënë se kërcënimet ndaj sigurisë së Kosovës janë në rritje, ashtu siç sipas tij, është në rritje edhe demokracia e saj.
Në një opinion të botuar në “The New York Times”, në të cilin ka përshkruar rolin e NATO-s dhe arritjet e saj në Kosovë, Kurti ka shkruar për kërcënimet për luftë në Evropë, duke thënë se një front i ri në Ballkan do t’i shërbente Rusisë, po aq sa Serbisë.
Në lidhje me këtë, ish-ushtaraku, Ismet Ibishi, në Tv Dukagjini ka thënë se akterët politikë duhet të jenë të kujdesshëm me deklarata të tilla, pasi populli i Kosovës ka përjetuar një luftë e cila ka pasur pasoja dhe “situata nuk është me rrezikshmëri” ashtu siç po deklarohet.
“Asnjëherë nuk ka qenë më e “vampirume” politika serbe, është një aktivitet i paparë, krejt kjo lidhet me situatën dhe çështjen e luftës në Ukrainë. Ne jemi nën ombrellën e NATO-s, çështja territoriale i takon NATOS, KFOR-it, ndërsa rasti i Banjskës është çështje aktuale, mund të ndodhë çdoherë, madje edhe kur nuk jemi nivel të detyrës që ata të organizojnë gjëra të tilla. Strukturat politike duhet të jenë të përmbajtura, populli ka përjetuar luftë, e dinë qysh janë. Nuk është rrezikshmëria për të cilën po flitet”, ka deklaruar Ibishi.
Sipas tij, kërcënimet e Serbisë ndaj sigurisë së Kosovës nuk janë të befasishme, pasi siç thotë ai Serbia ka proklamuar një politikë të vazhdueshme ndaj Kosovës.
Ai thotë se armatimi i Serbisë nuk duhet ta frikësojë Kosovën pasi NATO-ja është këtu.
Edhe ish-diplomati, Blerim Canaj, ka thënë se deklarata të tilla sikurse ato që i dha Kurti i konvenojnë Serbisë, pasi sipas tij, presidentit Aleksandar Vuçiqit i konvenon që ta proklamojë sigurinë në Kosovë si “jostabile”.
Canaj ka thënë se nëse Kurti mendon që në këtë mënyrë pozicionohet më mirë në tavolinën dialoguse me Serbinë, sipas tij nuk do t’i kryejë punë.
“Në Kosovë për sigurinë përgjegjës është KFOR-i, mund të them lirshëm maja e KFOR-it në Kosovë është KFOR-i amerikan, informatat të cilat duhet t’i kenë bashkësia ndërkombëtare për sigurinë në vend, i kanë sepse i mbulojnë mjaft mirë. Nëse Kurti mendon që në këtë mënyrë pozicionohet më mirë në tavolinën dialoguese me Serbinë, nuk do t’i kryejë mirë punë. Vuçiqit i konvenon që ta proklamojë sigurinë në Kosovë si jostabile e fragjile”, ka deklaruar Canaj.
Ndryshe, kryeministri i Kosovës, Albin Kurti ka thënë se kërcënimet ndaj sigurisë së Kosovës janë në rritje, ashtu siç “është në rritje edhe demokracia e saj”.
Në një opinion të botuar në “The New York Times”, në të cilin, ka përshkruar rolin e NATO-s dhe arritjet e saj në Kosovë, Kurti ka përshkruar sulmin terrorist në Banjskë, duke thënë se trupa paraushtarake serbe të armatosura rëndë erdhën nga Serbia.
“Megjithatë, edhe pse demokracia e Kosovës është në rritje, kërcënimet ndaj sigurisë së saj janë gjithashtu në rritje. Në muajin shtator, trupat paraushtarake serbe, të armatosura rëndë, të cilat ne besojmë se vinin nga Serbia, zunë pozicione në Manastirin Ortodoks të Banjskës, në atë që Qeveria e SHBA-së e quajti përpjekje shumë të organizuar që përfshinte armë të sofistikuara. Forcat ushtarake serbe u mobilizuan pranë kufirit tonë, një veprim i cilësuar nga Shtetet e Bashkuara si ‘destabilizues’”, ka shkruar Kurti.
Ai ka përmendur edhe rritjen e prezencës së trupave të NATO-s në Kosovë vitin e kaluar, nga 3770 në 4500./Tv Dukagjini/
Lufta Prigozhin - Putin
Më shumëNga Rubrika
ESHS: Kostoja e jetesës për muajin qershor në Maqedoni është rritur për 3.2%
Tahiri për Qeverinë Kurti: E dobët dhe pa rezultate
Vrasja e vëllezërve Bytyqi, Blakaj: Radosavleviqi ishte i përfshirë edhe në krime tjera si ai në Reçak e Prekaz, por nuk ka pasur hetim ndaj tij
Lind fëmija me peshën më të madhe në 10 vitet e fundit në Shqipëri
Hagë, Jakup Krasniqit i hiqet kollarja para se të nis seanca - reagon avokatja
Jakup Krasniqit iu largua kravata kuq e zi, Buja: Kjo çka po ndodh në Hagë është keq për gjykatën, jo për të
Arratisja e Faton Hajrizit nga burgu, Sveçla paralajmëron kapjen e shpejtë të tij
Ish-atashehu i FSK-së: Kosova gjendet në kryqëzimin mes Lindjes dhe Perëndimit, ka rëndësi të veçantë për NATO-n
ZPS thotë se Bahtjari e kërcënoi dëshmitarin 1 me vrasjen e djalit në rast se do të dëshmonte në Hagë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Saka me deklaratë të madhe për Granit Xhakën pas kualifikimit në gjysmëfinale
Cristiano Ronaldo thyen heshtjen pas eliminimit të Portugalisë – jep një sinjal për të ardhmen
Mesut Ozil e shikoi çerekfinalen e Euro 2024 me presidentin turk Recep Tayyip Erdogan - ai ishte akuzuar në të kaluarën për miqësinë mes tyre
Kompletohen çiftet gjysmëfinaliste – kush do të arrijë finalen e madhe?
Momenti kur Xherdan Shaqiri për pak sa nuk e realizoi golin më të bukur në Euro 2024 - nga goditja e këndit qëlloi shtyllën
"Kam luajtur i dëmtuar, nuk guxoja të gjuaja" - Xhaka zbulon pas ndeshjes problemet me muskujt