Këndoi këngë raciste dhe diskriminuese, Chelsea zyrtarisht fillon të marrë masa ndaj Enzo Fernandezit

Ka ardhur reagimi i Chelseat për mesfushorin argjentinas të tyre Enzo Fernandez.

Mesfushori publikoi një video duke dëgjuar një këngë raciste dhe diskriminuese dhe kjo ka bërë që bashkëlojtarët e tij si Wesley Fofana, Axel Disasi apo Malo Gusto të reagojnë ndaj tij.

Enzeo ka kërkuar falje për këtë, duke thënë se u ndikua nga entuziazmi i fitores dhe tani ka ardhur edhe reagimi nga klubi londinez.

Lexo po ashtu Enzo Fernandez kërkon falje për fjalët raciste ndaj francezëve, thotë se u rrëmbye nga euforia

Ndër të tjera Chelsea ka shkruar se e pranojnë faljen e futbollistit, derisa ka nisur një procedurë të brendshme disiplinore.

“Chelsea FC i gjen të gjitha format e sjelljes diskriminuese krejtësisht të papranueshme”.

“Ne jemi krenarë që jemi një klub i larmishëm, gjithëpërfshirës, ​​ku njerëzit nga të gjitha kulturat, komunitetet dhe identitetet ndihen të mirëpritur.

Chelsea FC has published the following statement…

— Chelsea FC (@ChelseaFC) July 17, 2024

“Ne e pranojmë dhe vlerësojmë faljen publike të lojtarit tonë dhe do ta përdorim këtë si një mundësi për të edukuar.

“Klubi ka nisur një procedurë të brendshme disiplinore”, thuhet në komunikatën e klubit anglez. /Telegrafi/