“Kemi trajnerin më të mirë në botë, lojtarët më të talentuar” – presidenti i PSG flet me nota të larta para ndeshjes me Liverpoolin

Presidenti i Paris Saint-Germain, Nasser Al-Khelaifi, ka ndarë pikëpamjet e tij optimiste për të ardhmen e klubit, duke theksuar besimin e tij të plotë tek trajneri Luis Enrique dhe brezi i ri i talentuar i lojtarëve.

Në një deklaratë të fundit, Al-Khelaifi vuri në pah sukseset e skuadrës dhe projektin afatgjatë që PSG po ndërton.

“Këtë vit, ne kemi trajnerin më të mirë në botë, Luis Enriquen dhe një grup të ri lojtarësh shumë të talentuar, mesatarisht 19-20 vjeç”.

“Kjo është një tregues i qartë i drejtimit që po marrim si klub”, deklaroi Al-Khelaifi.

Ai vuri në pah ndeshjen e fundit të PSG-së në Ligën e Kampionëve, ku skuadra shënoi 7 gola kundër Brest, me shtatë lojtarë të ndryshëm që kontribuan në shënimet.

Al-Khelaifi gjithashtu theksoi rëndësinë e investimeve të klubit në akademi dhe zhvillimin e talenteve të reja.

“PSG po ndërton një nga akademitë më të mira në botë. Ne besojmë në fuqinë e të rinjve dhe në potencialin e tyre për të çuar klubin drejt sukseseve të mëdha në të ardhmen”, deklaroi ai.

Lexo po ashtu Van Dijk flet para përballjes me PSG-në: Do të jetë vështirë, por duam të kalojmë

Aktualisht, PSG në Ligue 1 po kryeson renditjen, duke treguar një formë të qëndrueshme dhe dominuese.

Në Ligën e Kampionëve, PSG ka arritur të kalojë në fazën e 16-të, ku do të përballet me Liverpoolin, një nga skuadrat më të forta në Evropë./Telegrafi/