Pas muajsh spekulimesh rreth marrëdhënies së tyre, Katy Perry dhe Justin Trudeau, bënë paraqitjen e tyre të parë publike së bashku.
Çifti mori pjesë në një shfaqje kabareje në 'Crazy Horse' në Paris për të festuar ditëlindjen e 41-të të këngëtares.
Në fotot e publikuara, Perry mbante veshur një fustan të kuq tërheqës, ndërsa Trudeau ishte veshur me një kostum të zi.
Spekulimet rreth romancës së tyre filluan këtë verë, kur Perry dhe Trudeau u panë së bashku në Montreal të Kanadasë.
Në atë kohë, Perry i kishte dhënë fund fejesës së saj me Orlando Bloom, ndërsa Trudeau ishte divorcuar nga gruaja e tij, Sophie Gregoire, pas 18 vitesh martesë.
Pas disa muajsh pa bërë asnjë paraqitje publike, dyshja u panë duke u përqafuar dhe puthur në një jaht pranë Santa Barbarës në shtator.
Burime pranë çiftit thane se Trudeau ka treguar interes aktiv për Perryn që nga takimi i tyre i parë në Montreal.
Sipas raportimeve, Trudeau madje udhëtoi për në Kaliforni për ta vizituar atë gjatë një pushimi në turneun e saj.
Perry është aktualisht në turneun botëror "Lifetimes Tour" në promovimin e albumit të saj të fundit "14".
Turneu filloi në prill në Mexico City dhe që atëherë këngëtarja ka vizituar qytete në ShBA, Kanada dhe Australi. /Telegrafi/
