Katër klube pas Mauro Icardit – situata e secilit klub me bisedime, pagë dhe kërkesa të lojtarit

Në Itali duken të bindur për largimin e Mauro Icardit nga Interi dhe kjo është theksuar më shumë prej se trajner ka ardhur Antonio Conte.

Gazeta italiane Tuttosport e ka analizuar secilën nga katër skuadrat kryesore që kanë hyrë në bisedime me Interin për sulmuesin.

Lojtari është i pritur që të qëndrojë në Itali më shumë, ku ofertat kryesore vijnë nga ky vend.

I pari në radhë është Juventusi. Është folur se po punohet për një marrëveshje shkëmbimi mes tij dhe Paulo Dybalas.

Mbetet të shihet se a do të merren vesh palët, apo do të kërkohet një mënyrë tjetër pagese. Juve mund ta paguajë pagën që e kërkon.

Pas tyre vjen Napoli me Presidentin Aurelio De Laurentiis  që është një admirues i 26-vjeçarit argjentinas.

Paga e lartë e kërkuar nga lojtari mund të jetë një pengesë për të kaltrit dhe është e vështirë të thuhet nëse ky transferim do të ndodhë.

Në ditët e fundit në lojë është futur edhe Roma ku flitet për një shkëmbim mes tij dhe Edin Dzekos.

Kryeqytetasit nuk janë në Ligën e Kampionëve dhe po kërkojnë të ulin sa më shumë shpenzimet, gjë që nuk mujnë ta bëjnë nëse e duan Icardin.

Atletico Madrid ëhstë klubi më i interesuar nga jashtë Italisë. Skuadra e Diego Simeones është në kërkim të një sulmuesi dhe po e konsideron argjentinasin si lojtarin e duhur.

Icardi gjithmonë e ka dashur një të ardhme në Madrid, por jo me Atleticon, pasi ëndërron të luajë për Real Madridin.

Ky faktor mund të jetë pengesë, por Atletico nuk duket e dorëzuar. /Telegrafi/