Katër fshehtësitë e Kristen Bell për dukjen rinore

Aktorja Kristen Bell gjatë gjithë kohës duket shumë e re, ndërsa portali amerikan Womans Day ka zbuluar disa nga të fshehtat e saj, ndërsa janë katër rregulla të cilave iu përmbahet çdo ditë dhe nuk heq dorë asnjëherë nga to.

38-vjeçarja, e cila është nënë e dy fëmijëve, ka pranuar se i kushton shumë kohë kujdesit për vetveten.

Ushqimi

https://www.instagram.com/p/BYJLpmFF4rP

Ajo është vegjetariane, ndërsa nga viti i kaluar konsumon vetëm ushqime të freskëta.

“Është shumë e shëndetshme, por edhe i shërben planetit. Ndjehem për mrekulli prej se e kam ndërruar regjimin e ushqimit, kam energji që t’i ndjek obligimet e mia”, ka thënë ajo për revistën Shape duke sqaruar se menynë e saj ka vetëm perime, djathëra dhe vezë.

Kujdesi për lëkurën

https://www.instagram.com/p/BlfPNl0ltfy

Një prej prioriteteve të saj është kujdesi ndaj lëkurës.

“Asnjëherë nuk shtrihem në krevat me makijazh. Kurrë. Ashtu si i përgatis fëmijët e mi, ashtu e përgatis edhe veten për natën. Nuk ka ndonjë filozofi të veçantë. Ajo që duhet bërë, duhet bërë”, ka sqaruar aktorja.

Kristen tregon se rregullisht e përdor vajin e kokosit për kujdesin ndaj lëkurës, ndërsa pilingun për trupin e bën vet.

Meditimi

https://www.instagram.com/p/BlbJ1okFUxR

Kristen mediton secilën ditë dhe këtë e konsideron një rutinë të përditshme mendore.

Vazhdimisht është në lëvizje

https://www.instagram.com/p/BewIk3qB2pU

Ajo është aktive edhe atëherë kur nuk shkon në palestër. I pëlqen ta vozisë biçikletën ose të vrapojë, ndërsa i pëlqejnë shumë aktivitetet në ajër të pastër. /Telegrafi/