Kanu: Tifozët e Arsenalit presin trofe nga Emery

Ish-sulmuesi i Arsenalit, Nwankwo Kanu ka thënë se ai dhe tifozët e klubit londinez presin fitimin e ndonjë trofeu nga Unai Emery në sezonin e ri që do të fillojë më 11 gusht.

Duke folur për Sky Sports të enjten, Kanu ka treguar se çfarë janë pritjet e tifozëve të klubit londinez me ardhjen e trajnerit spanjoll në krye të klubit.

Kanu, i cili u ble nga Arsene Wenger në vitin 1999 dhe luajti nën trajnerin francez për pesë vjet, gjithashtu mbështeti menaxherin e ri, Emery.

Lexo po ashtu Unai Emery është transferimi më i mirë i Arsenalit, thotë Robert Pires

“Për menaxherin e ri do të jetë një sfidë shumë e madhe, tifozët duan që ata të luajnë mirë në ligë në vitin e tij të parë, i cili është gjithmonë i vështirë për një trajner të ri”, ka thënë fillimisht Kanu.

“Ardhja në një klub të madh ju duhet me një trofe, kështu që nëse nuk fitoni ligën ju duhet të fitoni diçka tjetër”.

“Është e vështirë, por kjo është ajo që prisni nga një trajner i atij lloji dhe një klubi të madh”, përfundoi nigeriani.

Lexo po ashtu Pesë lojtarët që mund t'i transferojë Emery te Arsenali gjatë këtij afati kalimtar

Topçinjtë nuk e kanë fituar ligën që nga sezoni 2003/04, kur ata shkuan të gjithë sezonin të pamposhtur dhe Kanu, i cili ishte pjesë e atij suksesi të madh, ndjen se ekipi aktual është në rrugën e duhur.

Në kohën e tij në Arsenal, Kanu luajti gjithsej 197 ndeshje dhe shënoi 44 gola, ndërsa u votua si i 13-ti në sondazhin “50 lojtarët Topçi më të mëdhenj të gjitha kohërave”  në vitin 2008. /Telegrafi/