Kanada do të dëmshpërblejë indigjenët me mbi 31.5 miliardë dollarë

Kanada ka njoftuar se ka rënë dakord që të ndajë rreth 31.5 miliardë dollarë amerikan si kompensim për fëmijët indigjenë që janë marrë nga familjet e tyre dhe janë vendosur nën sistemin e mirëqenies.

Kompensimi prej 20 miliardë dollarësh përfshin fonde për fëmijët e “First Nations” dhe investime në Yukon, një territor verior në shtetin kanadez.

Mbi 215,000 fëmijë, pa përfshirë anëtarët e familjes apo kujdestarët, besohet se janë të gatshëm për kompensim, raporton nytimes.

Njëzet miliardë dollarë të tjerë janë ndarë për të riparuar programin e shërbimeve familjare të indigjenëve. Kjo përfshin fonde për të mbështetur të rriturit indigjenë që kalojnë jashtë sistemit të mirëqenies së fëmijëve dhe për të ndihmuar në zhvillimin e shërbimeve që synojnë të mbajnë familjet së bashku.

Marrëveshja vjen gati 15 vjet pasi Shoqata Indigjene Kanadeze ngriti një padi për shkelje të të drejtave të njeriut.

Fëmijët indigjenë janë të përfaqësuar në mënyrë disproporcionale në kujdestarinë në të gjithë shtetin. Kanadaja e ka pranuar se sistemi i saj është diskriminues, por ka refuzuar vazhdimisht të paguajë kompensim dhe të financojë reformat.

Ky është zgjidhja më e madhe financiare e këtij lloji në historinë kanadeze dhe marrëveshja përfundimtare duhet të finalizohet deri më 31 mars të këtij viti. /Telegrafi/