“Kam shitur drogë, kam bërë sherre për para” – Noizy rrëfehet për jetën në Angli e deri te majat e muzikës

Ai është njëri nga reperët më të suksesshëm në trojet shqiptare.

Bëhet fjalë për Rigels Rajkun apo siç njihet me emrin artistik, Noizy, i cili pëlqehet jashtëzakonisht shumë për projektet që ka sjell duke kaluar tashmë edhe kufijtë.

Artisti i njohur ka dhënë një intervistë për revistën italiane, ‘Esse’, ku ka folur mbi jetën dhe karrierën artistike.

“Në Shqipëri me Noizyn” mban titullin intervista, e realizuar në Zvicër, Durrës e Tiranë, ku flet për të shkuarën dhe për arritjet në muzikë.

Derisa ka folur për periudhën në Angli, 37 vjeçari rrëfeu se dikur ka shitur drogë dhe është përplasur fizikisht për të fituar para, gjëra për të cilat sot nuk është krenar.

Lexo po ashtu Të gjitha lajmet nga Estrada Shqiptare

Ai u mundua të përcillte mesazhin se çdo njeri mund të fitojë para dhe të arrijë majat në rrugë të tjera, por duhet të jetë një shembull.

“Nuk do gënjej, në Angli kam shitur drogë, kam bërë sherre për para… dhe këto probleme bënë që të më largonin nga Angli. Por, kam hequr dorë nga jeta e çmendur. Tani çdo gjë e përqendroj te zgjuarsia dhe si të bëj para”.

“Isha një “street fighter”, shisja drogë, diçka për të cilën nuk jam krenar. Por, tani nuk e bëj më këtë gjë. Nuk do i thoja askujt ta bënte këtë. Ka gjithmonë mënyra të tjera për të bërë para dhe sukses”, theksoi mes tjerash ai. /Telegrafi/