“Kalorësit e Dardanisë”, libër i ‘kujtesës kombëtare!

Gani Mehmetaj, së fundmi ka dalur me romanin e tij më të ri historik, “Kalorësit e Dardanisë”, i cili është në vazhdën e librave të tij të mëhershëm si, ‘Ëndrra e madhe’, ‘Zhvarrimi’, ‘Boritë e apokalipsit’, të cilat trajtojnë tema nga rrënjët e hershme të ekzistimit dhe civilizimit tonë

Me romanin më të ri, ‘Kalorësit e Dardanisë’, Mehmetaj sikur përmbyll projektin e tij,i cili mund të quhet ‘Kujtesa kombëtare’!

Autori ka në themel të romanit 3oo kalorësit e Dardanisë, një formacion i denjë dhe liridashës, i cili u shqua për guximin dhe artin luftarak nëpër kapërcyell të kohës.

Ky formacion ishte bërthama e ushtrisë se madhe të Gjergj Kastriotit-Skënderbeut, ose elita ushtarake e tij.

Mehmetaj bazohet në artefaktet dardane e ilire, por duke e zgjeruar gamën e tij dhe harkun kohor deri tek rilindasit, Jeronim De Rada, Naim Frashëri, Fishta, Konica, Kuteli, etj.

Romani i Gani Mehmetajt është botuar nga SHB, ‘Titaniku’, ka 255 faqe dhe është shtypur në shtypshkronjën ‘Lena Graphic desing nga Prishtina. Projekti është mbështetur nga Drejtoria për kulturë e Komunës së Prishtinës.

Ky roman pati një prezantim publik në Prishtinë, ku me fjalë miradije folën Sh.Arifaj, F.Cakolli dhe P.Buzhala.

Sh.F.

/Telegrafi/