Kalinic i uron fat bashkëlojtarëve pas përjashtimit nga kombëtarja, vetëm Modric dhe Corluka nuk ia kthejnë sms-in

Nikola Kalinic është larguar nga kampionati botëror pas një mos marrëveshje me trajnerin e kombëtares kroate, Zlatko Dalic.

Mediat raportojnë se sulmuesi i Milanit nuk kishte pranuar të hynte në ndeshje nga banka rezervë, e cila gjë bëri që të përjashtohet prej ekipit kombëtar.

Futbollisti me të arritur në atdhe u kishte shkruar një mesazh të shkurtër të gjithë lojtarëve duke iu uruar suksese.

“Paçi fat”, u shkroi ndaras të gjithë lojtarëve në WhatApp teksa të njëjtën gjë mori prej bashkëlojtarëve.

Por, vetëm kapiteni Luka Modric dhe veterani Vedran Corluka, mësohet se nuk i kanë kthyer mesazhin e suksesit lojtarit të kuqezinjve duke mbështetur në këtë formë trajnerin e përfaqësueses.

Sipas të njëjtit burim Kaliniç nuk e kishte festuar fitoren kundër Nigerisë në raundin e parë të Kampionatit Botëror, por në dhomat e zhveshjes shfaqi edhe njëherë pakënaqësitë e tija.

Lexo po ashtu Konfirmohet zyrtarisht përjashtimi i Kalinicit nga Kroacia – Katër yjet e mëdha që u përjashtuan nga kombëtaret në mes të Kampionatit Botëror

Milani Badelj, Sime Vrsaljko dhe Mateo Kovacic kanë folur rreth kësaj situate duke bërë të qartë se duhet lënë anash egot dhe të ndihmojnë kombëtaren kroate drejt suksesit.

Theksojmë se të enjten (22 qershor) kroatët do të takohen me Argjentinën. /Telegrafi/