Ka pësuar tetë lëndime në tre vitet e fundit, por Pedri tani duhet të marrë një vendim shumë të rëndësishëm

Gjatë tre viteve të fundit, Pedri ka pësuar gjithsej tetë lëndime, duke kaluar gjithsej 400 ditë jashtë fushës.

Gjithçka filloi pasi talenti spanjoll grumbulloi 75 ndeshje në një sezon të vetëm, duke përfshirë edhe përfaqësimin e Spanjës në Euro dhe Olimpiadën e Tokios gjatë sezonit 2020/21, gjë që ishte qartësisht e tepërt për një 18-vjeçar për t’u përballuar ndikoi që ai të pësoj lëndime të shpeshta.

Tani, sipas Diario Sport , trajneri spanjoll U-23 Santi Denia e dëshiron të riun në Lojërat e ardhshme Olimpike në Paris që janë planifikuar për në fund të korrikut, vetëm dhjetë ditë pas Euro 2024.

Lexo po ashtu Barcelona e së ardhmes - nga Gavi te Pedri dhe Yamal, Araujo më i ‘vjetri’

Ndërsa Barcelona nuk do të ishte në gjendje të bllokonte thirrjen pa u përballur me sanksione, lojtari ka autonominë për ta marrë vetë këtë vendim.

Çfarë ndodh nëse ai refuzon?

Në skenarin më të keq, Denia mund të zgjedhë të mos e thërrasë më në të ardhmen, por kjo nuk do ta dëmtojë shumë Pedriun pasi mesfushori është gjithsesi pjesë e Përfaqësueses A të Spanjës.

Gjithsesi talenti i madh spanjoll ka treguar edhe më parë se dëshiron ta ndihmojë vendin e tij dhe tani ai ndodhet para një vendimi shumë të rëndësishëm.

21-vjeçari deri më tani këtë sezon ka zhvilluar 19 ndeshje me fanellën e Barcelonës, ku ka realizuar dy gola dhe ka asistuar në tre të tjerë. /Telegrafi/