Burime të shumëfishta pohojnë se Juventusi është në negociata të avancuara për talentin Kwang-Song Han të Cagliarit, i cili është nga Koreja e Veriut.
Ende është vetëm 19-vjeçar, por qendërsulmuesi, i cili aktualisht është në huazim në Serie B me Perugian ka shënuar shtatë gola mbresëlënëse dhe tre asistime në 17 ndeshje të zhvilluara.
Ai bëri historinë jo vetëm si lojtari i parë nga Koreja e Veriut në Serie A, por edhe i pari që shënon në një ndeshje të luajtur në kampionatin kryesor italian.
Këto paraqitje të mira dhe talenti i tij kanë bërë që të bie në sy të skuadrave të mëdha italiane, ku ndër më e interesuara është kampionia, Juventusi.
Kwang Song Han po shkëlqen me Perugian në Serie B (Getty Images)
Sipas mediumeve Sportitalia, Sky Sport Italia dhe Tuttosport, Juventusi është në prag të arritjes së një marrëveshje për të nënshkruar me Han sezonin e ardhshëm.
Këto mediume raportojnë se Zonja e Vjetër e ka ndjekur Hanin dhe i kanë shikuar nga afër ndeshjet e tij që nga muaji shtator.
Ardhja e tij do të jetë gjithashtu një ndihmë mediatike, duke ndihmuar Juventusin të zgjerojë statusin e tyre në tregun aziatik.
Megjithatë, shpresojmë që kjo mos të ketë efekt negativ tek lideri komunist i shtetit të Han, Kim Jong-un, pasi Juvenusi do ndihej i rrezikuar. /Telegrafi/
