Joshua i ‘verbuar’ në rikthimin e titujve – por Hearn ndihet i shqetësuar nga stërvitja me shumë trajnerë

Eddie Hearn, menaxheri i Anthony Joshuas, u shpreh se është i shqetësuar nga fakti se britaniku ka ndërruar disa trajnerë gjatë javëve të fundit.

AJ ndodhet në Dubai ku po përgatitet për duelin që do të zhvillojë në prill ndaj ukrainasit Oleksandr Usyk.

Ky i fundit fitoi në shtator sfidën e parë ndaj Joshuas, duke i rrëmbyer titujt kampionë bote në peshën e rëndë.

Lexo po ashtu Keq e më keq për Anthony Joshuan

Dy boksierët kanë rënë dakord për revanshin, që do të zhvillohet në Londër dhe Joshua ka kërkuar për trajner të ri dhe javët e fundit është stërvitur me disa të tillë.

“Ky është një rrezik i madh që Anthony po merr përsipër. Nëse ke nevojë për një ndryshim atëherë mund të marrësh një drejtim specifik. Kur përdor shumë alternativa, atëherë je në rrezik, pasi bëhesh konfuz”.

Lexo po ashtu Amerikani i peshave të rënda dëshpërimisht dëshiron të përballet dhe ta nokautojë Joshuan para se të pensionohet

“Nuk më pëlqen që Joshua po stërvitet nga kaq shumë trajnerë. Gjithsesi, e shoh të vendosur dhe të fokusuar te revanshi dhe besoj se kjo do ta ndihmojë në këtë përballje të dytë me Usyk”, u shpreh Hearn.

Joshua shpreson që të rikthejë titujt në peshat e rënda dhe më pas të tentoi të përballet me Tyson Furyn për titullin e kampionit të unifikuar, në një luftë që do të ishte e gjithë-britanike. /Telegrafi/