Josa: Vushtrria pati vetëm një rast, ne e merituam finalen

Prishtina është finalist i sivjetmë i Digitalb Kupës së Kosovës në futboll.

Prishtinasit vetëm pas vazhdimeve dy herë nga 15 minuta kanë eliminuar në gjysmëfinale skuadrën e Vushtrrisë me rezultat të përgjithshëm 2-1.

Vushtrriasit kanë arritur të përmbysin rezultatin e takimit të parë, ku “Plisat” kishin triumfuar me rezultat minimal 1-0 në saje të golit të Abdul Khalid Basidit.

Pas ndeshjes trajneri i Prishtinës, deklaroj se Vushtrria arriti që ta krijoj vetëm një rast dhe atë e shndërroj në gol.

“Vështirësi s’mund të thamë që patëm, vështirësi është kur një skuadër krijon raste edhe i humbet ato, sepse Vushtrria një herë erdhi tek porta jonë dhe bëri gol, pastaj s’kishte probleme ngase më nuk sulmoj. Por e kam thënë që rezultati 1-0, i ndeshjes së parë na ka jep lehtësi por edhe goli i Khalid është dashur të bëhet më herët, megjithatë kështu janë këto lojë dhe kushtet janë të tilla, por edhe Vushtrrisë i uroj për lojën e bukur të treguar”.

“E para e punës, i lumtur do jem kur do përfundoj kampionati, të jem i qetë është natyra e imja jo vetëm këtu por edhe në skuadra tjera, unë shikoj punën time dhe të metat e skuadrës time”.

“Ne krijuam raste disa raste në pjesën të parë ku duhet të shënonim me rastet që patëm sidomos me Fetahajn, gjithashtu kjo nuk i takon vetëm një lojtar por edhe lojtarëve tjerë të cilët duhet të ishin me konkretizues por nuk i hedh fajin as një lojtari për këtë gjë”, deklaroj Josa për supersport.

Lexo po ashtu Prishtina me vështirësi eliminon Vushtrrinë, kualifikohet në finale të Digitalb Kupës së Kosovës

Prishtina në këtë formë ka siguruar një vend për në finalen e madhe, ku do të ballafaqohet me Vëllaznimin që eliminoi Drenicën. /Telegrafi/