Joan Laporta konfirmon shumën e saktë të parave që paguan për transferimin e Dani Olmos

Barcelona kishte plane të mëdha për afatin kalimtar veror 2024, por në fund, gjërat nuk shkuan sipas parashikimeve të tyre.

Dani Olmo doli të ishte blerja e tyre e vetme për ekipin e parë, ani pse Wojciech Szczesny iu bashkua atyre për pjesën e mbetur të sezonit pas lëndimit të Marc-Andre Ter Stegen.

Olmo u transferua nga Leipzigu pasi luajti një rol kyç në suksesin e Spanjës në Euro 2024.

Duke folur në Asamblenë e Përgjithshme presidenti i Barcelonës, Joan Laporta, konfirmoi shumën e parave që u pagua për transferimin e tij, duke treguar gjithashtu se si ky model transferimi ka pasur shumë efekt.

“Falë levave ne nuk u desh që të paguanim nga xhepat tanë. Në një kompani mund të ketë një rritje të kapitalit, por ne ishim të guximshëm, i morëm levat dhe i dhamë klubit mundësinë për të bërë disa blerje”.

“Ne ishim në gjendje të transferojmë lojtarë të rinj dhe ta bëjmë ekipin më garues. Ne jemi më të mirë tani dhe ka indikator që e thonë këtë”.

“Unë dua gjithashtu të përmend edhe punën e Decos. Reduktimi i pagave na ka bërë që të kemi të ardhura më të mira. Kur erdhi ai përqindja ishte 98 për qind”.

“Gjatë verës, vetëm Dani Olmo, i cili na kushtoi 47 milionë euro dhe Pau Victor u transferuan, kjo falë punës së mirë të Decos sepse kemi shitur lojtarë për vlerën e 80 milionë eurove”, ka thënë Laporta./Telegrafi/