Jill Biden është adhuruese e veshjeve elegante që përshtaten në mënyrë të përsosur me situatën dhe vendin

Ajo gjithashtu së fundmi ka treguar se është një adhuruese e romantikës së modës.

Në ceremoninë e Shtëpisë së Bardhë, ditë më parë, me rastin e festës së Cinco de Mayo, dhe para udhëtimit zyrtar për në Rumani, Zonja e Parë e Shteteve të Bashkuara shkëlqeu me një fustan romantik në ngjyrë të bardhë dhe rozë, transmeton Telegrafi.

Jill Biden veshi një fustan me lule dhe dantella të stilistit amerikan me origjinë filipinase Monique Lhuillier, i cili është një zgjedhje ideale për pranverë.

Reklama

Një fustan midi deri tek gjunjët me mëngë treçerekëshe dhe një jakë katrore i shkonte në mënyrë të përsosur Zonjës së Parë dhe nxirrte në pah figurën e saj femërore.

Reklama

Ajo e kombinoi fustanin me këpucët e saj të preferuara aktualisht – këpucë kadifeje në ngjyrën rozë të markës Marion Parke që vijnë me takë 8.5 centimetra.

Ajo e përmbylli edicionin me bizhuteri të denjë – një palë vathë në formë lulesh, një gjerdan të gjatë dhe një byzylyk me perla.

/Telegrafi/