Jeta e një djali që nuk mund të hajë ose të flasë transformohet nga lojërat elektronike

Nëna e një tetë vjeçari me një sindromë misterioze ka treguar se si dashuria e tij për teknologjinë ka pasur një ndikim pozitiv në jetën e tij.

Chevonne Newlands, 39 vjeç dhe George Strachan, 34 vjeç, kanë parë djalin e tyre, Mikey Strachan, duke luftuar përmes operacioneve që kur ishte fëmijë.

Mikeyt, i cili nuk mund të hajë ose të flasë, iu dha për herë të parë një iPad kur ai ishte një vjeç në spital – për ta shpërqendruar atë nga marrja e gjakut.

Chevonne tha: “Ne kishim nevojë ta përdornim atë si shpërqendrim, por, në momentin që vura ekranin, ai u hipnotizua plotësisht dhe kjo ndryshoi vërtet përvojën. Nga ai moment, ai filloi të ishte një kampion. Brenda ditëve të ardhshme ai e kishte mësuar kodin dhe mund ta përdorte më mirë se ne”.

Chevonne dhe George gjithashtu vunë re se djali i tyre ishte veçanërisht i mirë në lojëra kur ai luante në spital si dy vjeçar. Që atëherë dashuria e tij për lojrat dhe teknologjinë ka vazhduar të rritet. Në janar të vitit 2020, Mikey kërkoi një PlayStation 5 (PS5) përmes “Make-A-Wish UK” – diçka që prindërit e tij e përshkruajnë si një “dhuratë nga perëndia”. Tani, loja e tij e preferuar është Fortnite. “Ai është një kampion absolut dhe një profesionist në të”, shton Chevonne.

Gjendja e Mikey do të thotë se ai nuk mund të gëlltis ushqim përmes stomakut dhe nuk ka zë. Me kalimin e viteve, ai ka pasur një trakeostomi – një hapje në fyt për tubat që ndihmojnë në frymëmarrje – si dhe një operacion për zvogëlimin e gjuhës. Chevonne tha: “Shumë njerëz po shikojnë gjendjen e tij, por ata nuk e dinë se çfarë është. Ne jemi në një studim të gjenit në mbarë botën dhe ai ka bërë kaq shumë teste gjenetike. Ata e dinë që ai ka një lloj sindromi, por nuk e dinë se çfarë është. Ne i numëronim të gjithë operacionet deri në numrin e saktë, por tani arriti në një nivel të pabesueshëm”.

Tani Mikey përdor një ventilator për të ndihmuar në frymëmarrjen e tij dhe komunikon përmes shenjave dhe simboleve Makaton, Gjuhës Britanike të Shenjave dhe një makine që flet fjalët e tij të shtypura me zë të lartë. Chevonne shton se lojrat me të vërtetë kanë transformuar jetën e Mikey dhe kanë ndihmuar aq shumë gjatë karantinës, shkruan Metro.

Ajo tha: “Mikey filloi të luante lojëra garash dhe futbolli rreth moshës tre vjeçare. Por sapo e prezantuam atë me Fortnite, kur ishte rreth gjashtë vjeç, ajo u bë loja e tij e preferuar.Ai tani luan me profesionistë”. /Telegrafi/