Jennifer Lopez thyen heshtjen me postimin e parë në rrjetet sociale që nga kërkesa për divorc nga Ben Affleck

Jennifer Lopez ka thyer heshtjen e saj për herë të parë që kur ka dorëzuar kërkesën për divorc nga aktori Ben Affleck, të martën.

Këngëtarja 55-vjeçare postoi në Instagram Stories të premten, por fansat që prisnin detaje mbi gjendjen e saj mendore ose ndarjen nga aktori 52-vjeçar mund të mbeteshin të zhgënjyer, shkruan DailyMail.

Në vend që të ndajë përmbajtje të re, JLo ripostoi një ‘selfie’ që e kishte realizuar më parë dhe që ishte shpërndarë nga një llogari e fansave. Postimi duket se ishte nga një fotosesion i realizuar në dhjetor të vitit 2020.

Jennifer dukej po aq e mrekullueshme sa gjithmonë në foton e rikthyer, e cila e tregonte me onde të trasha ngjyrë karamel që i binin në supet dhe gjoksin e saj.

Ajo ishte veshur me një xhup të butë rozë të zbehtë për t’u përshtatur me motin e ftohtë, dhe një pemë e Krishtlindjeve mund të shihej në sfond, duke konfirmuar që fotoja ishte realizuar gjatë festave të fundvitit.

Përveç postimit, të cilin Jennifer e publikoi pa komente ose kontekst, ajo ka mbetur e heshtur që nga kërkesa për divorc.

Vlen të përmendet që Jennifer e dorëzoi vetë dokumentacionin e divorcit dhe nuk kishte një avokat të listuar si përfaqësues, megjithëse mund të ketë një avokat të listuar në të ardhmen.

Ajo citoi ‘dallimet e papajtueshme’ mes çiftit si arsye për kërkesën e divorcit.

Ndërsa Jennifer ishte ajo që dorëzoi kërkesën, dhe Ben duket se zgjodhi të mos e bënte këtë, raportoi të premten që ai ishte në dijeni të planeve të saj.

Sipas një burimi, çifti i ndarë kishte ‘rënë dakord për këto kushte para se ajo të dorëzonte kërkesën’.

Burimet thanë se të dy kishin ‘shkuar përmes të gjitha detajeve’ të kërkesës paraprakisht, duke e përshkruar atë si një ngjarje të planifikuar, dhe jo një kërkesë për të marrë Benin në befasi.

Burimi vuri në dukje që të dy palët ‘u futën me asete të konsiderueshme vetjake’, kështu që ata nuk planifikojnë të luftojnë për pasurinë e tyre, duke lënë si pronë të vetme të përbashkët rezidencën e tyre të madhe në Beverly Hills që duhet të shitet.

Jennifer kërkoi që të mos marrë asnjë mbështetje bashkëshortore nga ish-burri i saj dhe kërkoi që gjykata ta mohojë atë për Benit gjithashtu.

Avokati i divorcit, Chris Melcher, tha se fakti që një marrëveshje para martesore nuk u përmend në kërkesën e Jennifer nuk do të thotë që dyshja nuk e kishte një të tillë në fuqi.

Jennifer dhe Ben u martuan në një ceremoni të ngushtë më 16 korrik 2022, por më vonë u kurorëzuan për herë të dytë për familje dhe miq në pronën e Ben në South Carolina më 20 gusht 2022 – dy vjet në ditën para se ajo të dorëzonte kërkesën për divorc. /Telegrafi/