Femra Bukuri dhe Kujdes Këshilla Estetike

Jennifer Lopez nuk ka bërë kurrë botoks: Ky është sekreti i fytyrës së saj të tonifikuar

Para 1 viti

Duket e kuruar dhe rinore

Kur këngëtarja e famshme Jennifer Lopez (53) shfaqet në publik, ajo është gjithmonë e grimuar dhe e veshur mirë. Mirëpo, Jennifer Lopez nuk heziton të tregojë dukjen e saj natyrale.

Tekefundit, lëkura e saj rinore është diçka për të cilën ajo mund dhe duhet të jetë krenare.

Në fillim të vitit të kaluar Jennifer ka thënë që kurrë nuk ka përdorur botoks, as filerë dhe ka zët nga ajo që ta quajnë “gënjeshtare”, transmeton Telegrafi.

“Kam thënë tashmë pesëqind milionë herë… Kurrë nuk kam bërë botoks, as kurrfarë injeksionesh apo operacionesh plastike”, ka shkruar ajo në një rast në Instagram.

Më pas në një intervistë për revistën “People”, më gjerësisht i është përkushtuar kësaj teme:

#MerryChristmasEve to my #JLovers!!!! I love you all! What are you doing today??!? 😗😗😗❤️❤️❤️ pic.twitter.com/mNrNQt5Uh6

— jlo (@JLo) December 24, 2021

“Nuk e gjykoj askënd. Nëse dëshironi të bëni botoks, bëjeni – është krejtësisht në rregull. Mirëpo, nuk dua që të më akuzojnë njerëzit për gjërat që nuk i bëj. Ju lutem, mos më thoni që jam gënjeshtare. Nuk kam pse të gënjej për asgjë. Nëse do të bëja diçka, do të thosha: “Po, keni të drejtë”. Unë nuk dua që njerëzit të thonë: “Mos gënje, ke bëre atë në fytyrë, e bëre këtë”, kur kjo nuk është e vërtetë”, tha Jennifer.

Këngëtarja dhe aktorja ka publikuar disa herë një video në Instagramin e saj dhe ka treguar se si duket rutina e saj e mëngjesit dhe me këtë rast kemi pasur rastin ta shohim pa asnjë gram grim.

Diva latine nuk e fsheh se është e dashuruar dhe se nuk ka qenë kurrë më e lumtur, por veç kësaj sekreti i pamjes së saj të bukur qëndron në faktin se ajo i është përkushtuar shumë kujdesit.

“Kremi me faktor mbrojtës është me të vërtetë i rëndësishme dhe ishte një nga sekretet e mia të bukurisë në adoleshencë dhe në fillim të viteve 20. Mamaja ime ma vuri kur isha foshnjë për të mbrojtur lëkurën time nga dielli dhe unë kam vazhduar ta praktikoj kur u rrita. lart dhe ky është çelësi i suksesit. Mbrojtja e përditshme nga dielli, edhe kur jashtë nuk ishte me diell, bëri një ndryshim të madh në lëkurën time, duke reduktuar dëmtimet nga dielli”, shpjegoi 53-vjeçarja e famshme.

Jennifer përfundon rutinën e kujdesit të lëkurës duke aplikuar një sasi të vogël kremi për sytë për të siguruar hidratim shtesë.

Artistja shpesh tregon se bukuria vjen edhe nga brenda dhe se përveç kujdesit të detyrueshëm, është shumë e rëndësishme të punosh me veten dhe të kesh mendime pozitive.

“Kam një kuti të vogël letrash përkrahjeje pranë dushit. Ky është afirmimi që nxora sot: “Vendosni të qëndroni të lumtur, pavarësisht gjithçkaje. Premtoji vetes, do të jem e lumtur. Tek unë qëndron suksesi dhe lumturia ime. Ja, së pari, ushqejeni mendjen tuaj”, thotë Lopez. /Telegrafi/