Jeff Bezos, 61 vjeç, thuhet se ka “lutur” partneren e tij Lauren Sanchez që t’i tregonte fustanin e nusërisë përpara dasmës, por ajo këmbënguli ta ruante surprizën deri në momentin e betimeve.
Redaktorja e Vogue Italia, Laura Tortora, i tha revistës People se Sanchez refuzoi me vendosmëri ta thoshte fjalën “po” për këtë kërkesë të miliarderit, duke dashur të ruante një moment të veçantë në ditën e tyre.
Ceremonia madhështore u mbajt të premten në ishullin romantik të San Giorgio Maggiore në Venecia, përpara rreth 200 të ftuarve të njohur, shkruan DailyMail.
Fustani i bardhë me dantella italiane dhe 180 kopsa mëndafshi, i punuar me porosi nga Dolce & Gabbana, u zbulua vetëm në momentin që Lauren zbarkoi në altar.
Ajo e kompletoi veshjen me bizhuteri të rafinuara dhe një kujtim simbolik nga fluturimi i saj me raketën e Blue Origin.
Sipas Tortorës, Bezos ishte “shumë i emocionuar” për pamjen e Lauren-it dhe kërkoi disa herë ta shihte fustanin më herët, por as dhoma e veçantë ku u vendos as stafi nuk ia mundësuan atë kënaqësi.
“Edhe pse u përpoq, Lauren nuk e theu traditën. Donte ta ruante emocionin për një moment të paharrueshëm”, shtoi ajo.
Dasma e çiftit mblodhi një listë të jashtëzakonshme të të ftuarve: nga Oprah Winfrey, Leonardo DiCaprio dhe Kim Kardashian, te Tom Brady, Mbretëresha Rania e Jordanisë dhe Bill Gates.
Një event i denjë për një çift që bashkon teknologjinë, mediat dhe stilin me shumë bujë. /Telegrafi/
