Jani Bojaxhi: Shefi i qeverisë po tenton ta ndalojë premierën e filmit “Tallja me Krishtin”

Regjisori i filmit “Tallja e Krishtit” Jani Bojaxhi, akuzon udhëheqësinë e Kinemasë së Maqedonisë se ka marrë urdhër nga siç thotë, shefi i qeverisë, që ta shtyjë festivalin “Kinenova” në të cilën duhej të shfaqej filmi kontrovers.

Bojaxhi thotë se “ata mendojnë se munden me forcë, ndërsa ne jemi ata që duhet të frikësohemi dhe të heshtim para tyre”, përcjell Telegrafi Maqedoni.

Më herët për këtë film ka reaguar edhe Ministria e Kulturës, prej ku thanë se vepra e Bojaxhit ka shkaktuar reagime si dhe ka qenë tendencioze dhe ka dëmtuar bashkëjetesën.

Lexo po ashtu Ademi: Filmi fyes, nuk ka lidhje me Ministrinë e Kulturës (Video)

Bojaxhi në profilin e tij në Facebook shkruan se ata që janë pas shtyrjes së premierës së filmit “duhet ta dinë se kanë punë me fëmijë të partizanëve, që paraardhësit e tyre një herë i kanë mundur”.

“Mundemi dhe do t’ju fitojmë. Festivali do të mbahet dhe premiera do të shfaqet”, shkruan Bojaxhi.

Përndrshe, filmi i tij u mbështet nga Agjencia për film në konkursin e vitit 2015 me 18 milionë denarë. Bojaxhi është producent, regjisor, skenarist, montazher dhe dizajner i këtij filmi./Telegrafi/