James Maddison shijon një natë romantike me partneren Kennedy Alexa në Katar para rikthimit në fushë me Anglinë

Ylli anglez, James Maddison bëri një pushim nga përgatitjet për Kupën e Botës për të parë të dashurën e tij Kennedy Alexa.

Çifti u fotografua së bashku në Katar teksa po shijonin një mbrëmje takimi para se Anglia të përballet me Senegalin.

Kennedy, 28 vjeçe, ndau foton e të dyve në Instagram teksa kishte veshur një fustan ngjyrë kafe, ndërsa Maddison vendosi kapelën e tij mbrapsht dhe mbante syze dielli.

“Kohë e çmuar me ty”, shkroi partnerja e futbollistit sipër imazhit.. Mesfushori i Leicesterit iu përgjigj me tre ‘emoji’ me zemër.

Dyshja thuhet se janë bashkë që nga viti 2020 dhe kanë një djalë të quajtur Leo.

Kennedy është një modele që më parë ka jetuar në Los Angeles përpara se të kthehej në Britani të Madhe.

Trajneri i Anglisë, Gareth Southgate, u dha lojtarëve të tij pak kohë larg bazës së ekipit përpara ndeshjes së madhe të 1/16-tës kundër Senegalit.

26-vjeçari nuk është paraqitur ende në Kupën e Botës të këtij viti, pasi në dy ndeshjet e para kishte një dëmtim të lehtë.

Megjithatë ai është rikthyer në stërvitje me skuadrën përpara ndeshjes së madhe të së dielës mbrëma (4 dhjetor).

Në 14 ndeshje ai ka shënuar shtatë gola dhe ka marrë katër asistime dhe ai mund të jetë i dobishëm jashtë pankinës për Tre Luanët nëse ata ndjekin një gol. /Telegrafi/