Jakimovski: Maqedonisë i duhen investime nga BE që gjeneratat e reja të mos largohen nga vendi

Lideri i partisë GROM dhe kryetari aktual i Komunës së Shkupit, Karposh, Stevço Jakimovski tha në një intervistë televizive se “nëse dikush mendon se ne kemi nevojë për Evropën që fëmijët tanë të shkojnë atje dhe t’i pastrojnë rrugët, atëherë nga unë kanë një JO!”

Jakimovski tha se Maqedonia duhet të përfitoj nga BE që të mundësoj kushte më të mira jetese brenda shtetit dhe jo të mundësoj migrim edhe më të madh të popullatës.

“Ky komb duhet të jetojë me diçka, ky komb duhet të bëjë diçka! Le të krijojmë kushtet për jetë dhe që ky popull të ketë një vend për të punuar, një vend për të jetuar. Paga jote prej tre mijë eurosh është e kotë kur banesa jote vlen me mijëra euro në muaj. Kur do ta fitoni atë apartament? Këtu ku keni banesë, ku keni shtëpi, ku keni kushte, ku keni të afërm, ku keni zakone, këtu është vendi i njerëzve tanë”, thotë Jakimovski.

“Në Maqedoni jemi kulturalisht të pajtueshëm, këtu jemi në shtëpi dhe në vend të këtu duhet të sjellim investime, prandaj duhet ta hapim vendin ndaj investimeve të huaja në fushën e energjisë, në turizëm, në bujqësi, në fushën e transportit dhe te shohim kush do te ndertoje hekurudhen Selanik-Shkup. Ne kemi kapacitete ndoshta edhe më të mira se Gjermania apo Holanda”, tha Jakimovski.