Jahti i tyre u fundos dhe mbetën në një barkë gome, momenti drithërues kur u shpëtuan nga një anije

Chris dhe Kevin Dornad si dhe shoqëruesi i tyre Ben Johanson, përfunduan në një anije gome për raste emergjente, kur jahti i tyre u fundos, derisa po udhëtonin nëpër Oqeanin Paqësor.

Kushërinjtë australianë dhe britaniku që e drejtonte jahtin, u munduan të kthenin kontrollin mbi jaht, por e kishin të pamundur, shkaku i rrymave të fuqishme ujore, transmeton Telegrafi.

Megjithëse kërkuan ndihmë prej rojave bregdetare, ata nisën t’i humbin shpresat, meqenëse nuk po afrohej asnjë ndihmë, derisa barka e gomës ishte shumë e vogël për tre burra dhe kishin frikë se mund të fundosej.

Por, atyre iu erdhi një ndihmë një anije turistike, që pranoi thirrjen se në afërsi ka nevojë për intervenim emergjent. Ata arritën ta filmonin momentin drithërues, para se të ngjiteshin në anijen që i ktheu në Brisbane të Australisë.

Deri më tani, nuk janë bërë të ditur arsyet e fundosjes së jahtit, derisa nga ky aksident ata nuk pësuan ndonjë lëndim dhe gjendja e tyre është e mirë. /Telegrafi/