Ja sa lëndë të vjetra të pazgjidhura ka Gjykata Penale, më e vjetra është e vitit 1998

Gjykatën Themelore Shkupi 1, në departamentet për vepra penale të moshës mbi 18 vjet, të miturit nën 18 dhe për krim të organizuar dhe korrupsion, gjithsej ka 477 raste të vjetra të pazgjidhura, të vjetra më shumë se dy vjet dhe më e vjetra është që nga viti 1998, treguan analiza e fundit të realizuar në qershor të këtij viti,  u tha sot nga Gjykata, transmeton Telegrafi Maqedoni.

Gjykata nga Gjykata e Apelit, e cila në fillim të prillit ka qenë në vizitë në Gjykatën e Shkallës së Parë dhe ka konstatuar se arsyet më të shpeshta për shtyrjen e diskutimeve kryesore në këto raste janë mungesa e të akuzuarve dhe të të mbrojtësve të tyre, si dhe mungesa e Prokurorëve publik, ekspertëve dhe dëshmitarëve për të cilat gjykata ka vlerësuar se duhet të dëgjohen edhe ata në diskutim.

“Gjatë ritrajtimit të rasteve në procedurë ankuese janë shfuqizuar, Gjykata e Apelit ka konstatuar se gjykatësit e Gjykatës Penale i ndërmarrin veprimet e duhura në bazë të treguesit të Gjykatës së Shkallës së Dytë”, thonë nga Gjykata.

Gjykatësit në mënyrë të përshpejtuar punojnë në zgjidhjen e lëndëve të vjetra, që të mos vijë deri në vjetërsimin e tyre dhe paralajmërojnë se nga fundi i këtij viti ose në fillim të vitit të ardhshëm, të gjitha lëndët e vjetra do të duhet të zgjidhen me aktgjykim të shkallës së parë, thonë nga Gjykata. /Telegrafi/