Sky News ka verifikuar një video të një ambulance të dëmtuar rëndë dhe palestinezë të vrarë jashtë spitalit al Shifa në veri të Gazës.
Kjo pason pretendimet e ministrisë së Shëndetësisë të Gazës, e drejtuar nga Hamasi, se dhjetëra janë vrarë dhe plagosur në shënjestrimin e një autokolone ambulancash që transportonin të plagosurit rëndë në Gaza.
Një zyrtar i Forcave të Mbrojtjes izraelite (IDF) i tha Sky News se "kishte terroristë në atë kolonë".
https://twitter.com/Timesofgaza/status/1720493361222590618
Një mjek në spitalin Shifa ka pohuar se deri në 50 viktima janë sjell në spital.
Atef al-Kahlout, drejtor i spitalit, tha për Al Jazeera se "40 për qind e të vrarëve dhe të plagosurve në bombardimet janë fëmijë".
Ndryshe, ai tha gjithashtu se gjeneratori kryesor i spitalit ka ndërprerë punën 48 orë më parë dhe se spitali ka një problem serioz me mungesën e stafit mjekësor. /Telegrafi/
