Ivanov: Nuk ka më vend për alibi, arsyetime dhe ikje nga obligimet

Nuk ka më vend për alibi, arsyetime, dhe ikje nga obligimet nga Marrëveshja “Përzhino”. Faktorët politik duhet të tregojnë konstruktivitet, përgjegjësi dhe vetëdije të lartë për interesat e qytetarëve dhe të shtetit“, ka thënë Gjorgje Ivanov në takimin e sotëm me ambasadorin Johannes Haindl, transmeton Telegrafi Maqedoni.

Nga Kabineti i Ivanov informojnë se ambasadori Haindl e ka përshëndetur vendimin e presidentit Ivanov për anulimin e vendimeve për falje, me se është hapur mundësi për përqendrim në obligimet e Marrëveshjes “Përzhino”.

„Në takim presidenti Ivanov ka shprehur pritje se vendimi i tij do të kontribuojë për tejkalimin e krizës politike. Në këtë drejtim të dy bashkëbiseduesit u pajtuan për nevojën e zbatimit të obligimeve nga Marrëveshja “Përzhino”, si dhe reformave të domosdoshme, të cilat janë mundësia e vetme për dalje nga kriza politike. Të dy bashkëbiseduesit kanë këmbyer mendime edh për krizën e refugjatëve dhe emigrantëve, si dhe ndikimin e gjendje aktuale politike ndaj kapaciteteve të përgjithshme të shtetit për ballafaqimin me këtë krizë“, thuhet në informatën e Kabinetit të Ivanov./Telegrafi/