Italia ka nënshkruar një marrëveshje me Algjerinë për të rritur importet e gazit natyror nga ky vend afrikan dhe për të reduktuar varësinë nga Rusia.
Kryeministri italian, Mario Draghi njoftoi të hënën një marrëveshje fillestare për të rritur importet e energjisë nga Algjeria pas një takimi me presidentin e vendit, Abdelmadjid Tebboune në Algjer.
“Qeveritë tona kanë nënshkruar një marrëveshje për bashkëpunimin dypalësh në sektorin e energjisë”, tha Draghi gjatë një konference për shtyp, raporton cnn.
“Menjëherë pas pushtimit të Ukrainës kam pohuar se Italia do të vepronte me shpejtësi për të reduktuar varësinë prej gazit rus. Marrëveshja e sotme është një përgjigje e rëndësishme ndaj këtij qëllimi strategjik”, shtoi ai.
Përveç kësaj, Draghi tha se një marrëveshje u nënshkrua midis kompanisë italiane të energjisë Eni dhe kompanisë shtetërore shtetërore të energjisë algjeriane për të zbatuar eksportin e gazit natyror në Itali.
Ndryshe, Italia importon rreth 40 për qind të konsumit të saj total të gazit nga Rusia. /Telegrafi/
