Një burrë i identifikuar si Yuseab Woldeab, që ishte prezantuar si taksist, që më pas rrëmbeu dhe përdhunoi një grua në shtëpinë e saj në Plymouth në Angli, është dënuar me 18 vite burgim.
Kamerat e sigurisë patën regjistruar momentin rrëqethës kur burri që u prezantua si taksist, e rrëmbeu dhe më pas e përdhunoi gruan e vetmuar, transmeton Telegrafi.
27-vjeçari kishte bindur gruan 28-vjeçe, se është taksist duke e futur në veturë e më pas përdhunuar në prill të vitit të kaluar, u tha në gjykatën e Plymouth.
Woldeab është dënuar në dy pikat e aktakuzës për përdhunim dhe rrëmbim. Për përdhunim u dënua me 13 vite burgim, e për rrëmbim 5 vite, duke shkuar kështu numri i viteve që do t’i kalojë prapa grilave në 18.
Gjykatësi tha se Woldeab është “i rrezikshëm”, dhe se përveç 13 viteve i është zgjatur masat e burgimit prej 5 viteve tjera shtesë.
Gjykatësi Peter Johnson, tha se Ministria e Punëve të Brendshme do të vendosë nëse do të deportohet, raporton BBC.
Në gjykatë është thënë se gruaja ishte nisur drejt shtëpisë së saj, pas një nate me plot alkool me miqtë dhe i kishte dërguar mesazh rrëqethës miqve pas sulmit.
Gjithashtu është bërë e ditur se rrugës për në shtëpi, ajo kishte humbur vetëdijen, kurse kur kishin arritur atje, i akuzuar e kishte shtrirë në shtrat dhe e kishte përdhunuar.
Pasi ishte larguar ai nga dhoma, kjo grua e pafat kishte arritur të largohet nga shtëpia dhe i kishte telefonuar policisë që menjëherë e kishin arrestuar Woldeabin. /Telegrafi/
