A ishte Man United në dijeni të akuzave për sulm ndaj Antonyt përpara se ata të nënshkruanin me brazilianin

Manchester United nuk ishte në dijeni se një raport i policisë për një sulm të supozuar ndaj një gruaje ishte paraqitur kundër Antony më shumë se tre muaj përpara se klubi të nënshkruante me anësorin brazilian për mbi 100 milionë euro nga Ajax.

Sipas Telegraph, klubi u vu në dijeni për raportin e policisë përmes raportimeve të mediave në Brazil vetëm këtë muaj.

Rayssa de Freitas paraqiti një ankesë në Policinë Civile të Sao Paulos në maj 2022, në të cilën ajo pretendoi se ishte sulmuar nga Antony dhe një grua pas një debati në një makinë pas një nate në Brazil.

De Freitas, një studente e juridikut, pohoi se ajo kishte nevojë për trajtim spitalor në vazhdën e incidentit të supozuar. Antony i mohon akuzat.

Lexo po ashtu Brazili largon nga lista Antonyn mes akuza për dhunë në familje

Nga Manchester United thotë se ata kryen kontrolle të duhur për Antonyn gjë që bëjnë me të gjithë objektivat e transferimit përpara se ta nënshkruanin me të, por se hetimet e tyre nuk zbuluan asnjë provë për ndonjë akuzë për abuzim në familje ose përfshirje të policisë në lidhje me lojtarin.

23-vjeçari luajti për dy sezone nën drejtimin e Erik ten Hag, tani trajneri i Man United. Ai u transferua nga Ajax më 1 shtator të vitit të kaluar, duke e bërë atë lojtarin e 13-të më të shtrenjtë në botë në atë kohë.

Lexo po ashtu Manchester United thyen heshtjen dhe reagon pas akuzave për sulm nga Antony ndaj ish-të dashurës së tij

Ai aktualisht është i pezulluar nga United, ndërsa po vazhdon ‘luftën’ ndaj akuzave kundër tij. /Telegrafi/