Ishin mbledhur me qindra për të varrosur më të dashurin e tyre, kryetari i Nju Jorkut urdhëron arrestimin e tyre – nuk respektuan distancën sociale

Kryetari i qytetit të Nju Jorkut, Bill De Blasio, u ka bërë thirrje policëve të arrestojnë të gjithë pjesëmarrësit në varrime që janë mbledhur në turma të mëdha, duke mos respektuar distancën sociale dhe kështu kontribuojnë në përhapjen e coronavirusit.

Këto komente i bëri pasi ishte dëshmitarë i qindra qytetarëve që ishin mbledhur në Brooklyn, nga ku pritej të niseshin drejt varrezave për t’i dhënë lamtumirën e fundit më të dashurit të tyre, transmeton Telegrafi.

Scenes like this can set the process of reopening back weeks. Worse off, it risks more funerals. @NYPDnews is gonna have to camp out of every corner as long as people refuse to listen… pic.twitter.com/09kAk8pY64

— Menashe Shapiro (@menasheshapiro) April 29, 2020

Ishte pikërisht i pari i qytetit që kishte dalë në vend të ngjarjes që t’i bëjë thirrje turmës të shpërndahen, pasi imazhe të shumta ishin publikuar nëpër rrjete sociale ku shiheshin rabinët në masë të madhe të mbledhur, duke pritur t’i japin lamtumirën e fundit më të dashurit që humbi betejën me coronavirusin.

Fotografitë shfaqin qindra njerëz të mbledhur nëpër rrugë për t’i dhënë lamtumirën e fundit Rabbi Chaim Mertz, që kishte vdekur si pasojë e virusit COVID-19. E kjo ka alarmuar kryetarin e qytetit por edhe guvernatorin Andrew Cuomo, i cili vazhdimisht ka bërë thirrje të qëndrohet nëpër shtëpi dhe të respektohet distanca sociale. /Telegrafi/