Ish-legjenda e Manchester United kritikon Ten Hag për përpjekjet e tij për të shitur yllin e skuadrës

Peter Schmeichel ka vënë në pikëpyetje vendimin e Erik Ten Hag për të mos përdorur më shpesh skocezin Scott McTominay, pasi ky i fundit u fut në lojë nga banka rezervë ndaj Brentfordit dhe i udhëhoqi drejt një fitoreje dramatike në minutat e fundit.

McTominay u fut në fushë tre minuta pa përfunduar koha e rregullt dhe shënoi dy gola në momentet finale të ndeshjes për të përmbysur rezultatin në favor të “Djajve të Kuq” dhe duke marrë tri pikë shumë të rëndësishme.

“Ai e ka aftësinë për ta bërë këtë. Nuk e kuptoj se çfarë janë duke bërë stafi i trajnerëve. McTominay ishte në shitje gjatë tërë verës dhe unë nuk e kuptoj këtë”, ka thënë Schmeichel në një intervistë.

Tutje, ai tha se klubi ka nevojë për lojtar si McTominay që mund të luajnë në pozita të ndryshme dhe të ndryshojë rrjedhën e lojës.

Lexo po ashtu Ten Hag tregon se kush mund ta nxjerrë Man United nga kriza që e ka kapluar

“Ai është një lojtar fantastik, ju keni nevojë për lojtarë të dobishëm, për lojtarë që mund të luajnë në pozicione të ndryshme dhe që mund të vijnë nga pankina dhe të ndryshojnë rrjedhën e lojës dhe ai është padyshim një prej tyre”, përfundoi danezi.

McTominay ishte i lidhur me një largim nga “Old Trafford” për pjesën më të madhe të verës, derisa United mori një vendim për të mbajtur skocezin në ekip krejt në fund të afatit kalimtar.

"I don’t understand that."

Schmeichel questions Ten Hag treatment of McTominay #mufc https://t.co/LpxKdcdeeH pic.twitter.com/hoeOzExoua

— Man United News (@ManUtdMEN) October 8, 2023

Megjithatë, transferimi i  Sofyan Amrabat solli edhe më shumë konkurrencë për  një vend në mesfushë aty ku ka emra si  Casemiro, Christian Eriksen, Mason Mount dhe Bruno Fernandes.

Për shkak të konkurrencës së madhe, McTominay ka startuar në vetëm dy ndeshje në Ligën Premier deri më tani këtë sezon, të dyja para se Amrabat të kishte bërë debutimin e tij të plotë./Telegrafi/