LAJMI I FUNDIT:

Ish-kryediplomati shqiptar: Procesi i shtrirjes së sovranitetit në Kosovë të vazhdojë me këmbëngulje

Ish-kryediplomati shqiptar: Procesi i shtrirjes së sovranitetit në Kosovë të vazhdojë me këmbëngulje

Ish-ministri i Evropës dhe Punëve të Jashtme të Shqipërisë, Ditmir Bushati, ka thënë se procesi i shtrirjes së sovranitetit në Kosovë duhet të vazhdojë me këmbëngulje, por nevojitet edhe ndërveprim me faktorin ndërkombëtar.

Diplomati shqiptar, akuzoi Serbinë se po prish stabilitetin në rajon, derisa theksoi se Kosova duhet shpërblehet për progresin demokratik me anëtarësim në Këshill të Evropës, por edhe dhënien e statusit vend kandidat për anëtarësim në Bashkimin Evropian.


Ish-ministri i Evropës dhe Punëve të Jashtme të Shqipërisë, Ditmir Bushati, ka thënë se procesi i shtrirjes së sovranitetit në Kosovë duhet të vazhdojë me këmbëngulje, por nevojitet edhe ndërveprim me faktorin ndërkombëtar. Diplomati shqiptar, akuzoi Serbinë se po prish stabilitetin në rajon, derisa theksoi se Kosova duhet shpërblehet për progresin demokratik me anëtarësim në Këshill të Evropës, por edhe dhënien e statusit vend kandidat për anëtarësim në Bashkimin Evropian.

“Procesi i shtrirjes së sovranitetit në të gjithë territorin është një proces i rëndësishëm, i cili duhet të vazhdojë me këmbëngulje dhe ndërveprim me faktorin ndërkombëtar”, tha ai.

Sipas tij masat ndëshkuese që janë vendosur Kosovës janë të padrejta dhe si të tilla duhet të largohen sa më parë nga Bashkimi Evropian.

Ai shtoi se dialogu mes Kosovës dhe Serbisë është i pashmangshëm, por duhet të nënvizohen premisat kryesore të këtij dialogu, të cilat siç thekson Bushati janë normalizimi i marrëdhënieve mes dy shteteve.

​Kurti: Ballkani Perëndimor është i kërcënuar nga shteti serb
Lexo po ashtu ​Kurti: Ballkani Perëndimor është i kërcënuar nga shteti serb

Ish-kryediplomati shqiptar theksoi se pas sulmit terrorist në Banjskë vitin e kaluar, dialogu mes Kosovës dhe Serbisë është kthyer edhe në një çështje të sigurisë rajonale.

“Dialogu është i pashmangshëm sepse çdo mosmarrëveshje, çdo konflikt në një mënyrë apo tjetër do të duhej që paqja të skicohet në një proces dialogu dhe më pas të formalizohet në një marrëveshje përfundimtare. Por ngjarjet e shtatorit të vitit të kaluar në Kosovë e kanë zhvendosur thelbin e konfliktit të papërfunduar nga një çështje politike që konsiderohej, në një çështje të sigurisë rajonale, sidomos në kushtet e një stuhie gjeopolitike që po përjeton Evropa, si pasojë e pushtimit të Ukrainës nga ana e Rusisë. Së dyti është e rëndësishme për BE-në për të rikthyer termave të referencës së këtij dialogu. Nuk duhet të harrohet për një asnjë moment që termat e referencës për objektivat e këtij dialogu kanë të bëjnë me normalizimin e dy fqinjëve, pra me normalizimin e marrëdhënieve mes dy shteteve. Së treti është shumë e rëndësishme jo vetëm të denoncohet, por të rrethohet në mënyrë sa më demokratike Serbia e sotshme e cila në këndvështrimin tim është prishja e vetme e stabilitetit rajonal. Kosova duhet të shpërblehet për progresin demokratik që ka demonstruar ndër vite, si për anëtarësim në Këshill të Evropës, po ashtu edhe marrjen e statusit vend kandidat”, theksoi Bushati.

Duke folur për rolin e Shqipërisë në dialog, deputeti i Partisë Socialiste, e cila udhëheq me qeverinë në Shqipëri, tha se ka vend për përmirësim.

“Ka vend gjithmonë për të përmirësuar marrëdhëniet dhe për t’i kapitalizuar mes Shqipërisë dhe Kosovës. Është një partneritet strategjik natyral, ka gjithmonë vend për të përmirësuar ndër-veprimin mes institucioneve të Shqipërisë dhe Kosovës, por e rëndësishme është që busulla orientuese është e qartë strategjikisht”, deklaroi ai.

Sa i përket hapjes së bazës ajrore të NATO-s në Kuçovë, Bushati tha se Shqipëria ka një kontribut në stabilitetin dhe sigurinë rajonale.

“Shqipëria si anëtar i NATO-s në Ballkanin Perëndimor ka një kontribut në stabilitetin dhe sigurinë rajonale. Ka një qartësi sa i përket linjëzimit në politikë të jashtme, qind për qind, që nga momenti i rënies së parë të komunizmit. Në këtë kontekst hapja e bazës taktike në Kuçovë është një lajm i gëzueshëm, jo vetëm për Shqipërinë, jo vetëm për infrastrukturën e NATO-s, por edhe për të gjithë rajonin, në funksionin e çimentimit të aleancave të cilat synojnë të jenë pjesë e kësaj aleance, duke përfshirë në një të ardhme edhe Kosovën”, theksoi Bushati.

Këto komente ai i bëri para gazetarëve pas pjesëmarrjes të hënën në konferencën “Diplomacia Parlamentare për Sigurinë Rajonale dhe Integrimin Euroatlantik”./kp/

Në trend Lajme

Më shumë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës

U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës

Lajme
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus

Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus

Lajme
UP-ja pezullon nga puna profesorin Xhevat Krasniqi që dyshohet për ngacmim seksual

UP-ja pezullon nga puna profesorin Xhevat Krasniqi që dyshohet për ngacmim seksual

Lajme
Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza

Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza

Lajme
Haradinaj kërkon dorëheqjen e Qeverisë Kurti, pas publikimit të raportit nga DASH

Haradinaj kërkon dorëheqjen e Qeverisë Kurti, pas publikimit të raportit nga DASH

Lajme
​Raporti i DASh-it, opozita e vlerëson shqetësues, pushteti mohon ndërhyrjet në sistem të drejtësisë

​Raporti i DASh-it, opozita e vlerëson shqetësues, pushteti mohon ndërhyrjet në sistem të drejtësisë

Lajme
Kalo në kategori