Ish-komandanti rus kritikoi Putinin: Hesht, mos e hap gojën

Blogeri ushtarak dhe ish-komandanti rus, Igor Girkin, ka kritikuar sërish Vladimir Putinin, duke thënë se presidenti duhet të hesht rreth pushtimit më të gjerë.

Në një video të publikuar në Telegram, ish-oficeri i FSB-së, i cili ka udhëhequr forcat e mbështetura nga Moska në rajonin e Donbas që nga viti 2014, tha se Putini nuk sillet sikur është presidenti i “një vendi të madh me mbi 1000 vjet histori”.

Girkin u tall me arsyen që Putin tha javën e kaluar se pse Rusia nuk e pushtoi Ukrainën në vitin 2014 pas aneksimit të Krimesë, kur ushtria e Kievit ishte “e kalbur dhe e dobët”.

“Ai filloi të na thoshte se ne nuk kemi armë hipersonike. Përsëri ai filloi të thoshte se po e tërhiqnin nga hunda dhe dukej se i mungonte besimi”, tha Girkin.

Here's the longer bit of Girkin's live stream today where he asks Putin to shut up, with more context. Girkin refers to Putin's words about the lack of hypersonic missiles being the reason why Russia couldn't invade Ukraine in 2014. And instead of properly taking command of the… pic.twitter.com/Ov4NKNQbRo

— WarTranslated (Dmitri) (@wartranslated) March 20, 2023

“Këshilla që mund t’i jap, ose më mirë shkrimtarëve të fjalimeve të tij, është të heshtë. Ai nuk duhet ta hapë gojën”, tha Girkin, i cili besonte se kjo do të ishte më mirë sesa “ndonjë justifikim jonormal me të cilin mund të qeshësh”.

Putin tregoi se një nga arsyet ishte mungesa e raketave hipersonike Kinzhal, pohoi ai.

Girkin u tall me këto shpjegime, duke theksuar se Rusia përdori raketa të tilla vetëm tre herë në gjysmën e parë të luftës, sipas të dhënave të raportuara nga mediat ruse.

Sipas Girkin, mund të qeshësh vetëm me fjalët e Putinit, sepse, duke pasur parasysh faktet, një tregim i tillë nuk ka kuptim. Ai shtoi se tani që Rusia i ka këto raketa, ajo nuk mund të bëjë përparim të rëndësishëm në Ukrainë. /Telegrafi/