Ish-futbollisti tallet me deklaratën e Ronaldos: Mendoj se është nën ndikim të nargjilës, është xheloz për Messin

Futbollisti portugez Cristiano Ronaldo ka bërë një deklaratë të diskutueshme ditën e djeshme kur tha se futbolli evropian humbi çdo cilësi pas largimit të tij.

Kjo deklaratë e ashpër e portugezit shkaktoi shumë polemika dhe për këtë komentoi edhe ish-futbollisti i MLS, Michael Lahoud.

“Mendoj se Ronaldo është nën ndikim të nargjilës. Deklarata e tij se në një vit liga saudite do të jetë më e mirë se liga turke dhe holandeze është e çmendur”.

“Ai e tha atë në ditën kur Lionel Messi u prezantua në MLS dhe kur fliste për promovimin e Kupa e Botës 2026 në Amerikën e Veriut. Kjo është e gjitha që ai të fitojë rëndësi dhe të shtyjë Messin”, ka thënë Lahoud për CBS Sports.

Lexo po ashtu “Më e mirë se MLS, do ta kalojë Turqinë dhe Holandën”, Ronaldo ‘godet’ Messin dhe futbollin evropian duke konfirmuar se nuk do të kthehet më

Ai nuk e fsheh kënaqësinë për faktin se Messi mbërriti në ligën elitare amerikane ku ndërtoi edhe rrugën e tij futbollistike.

Ky ish-futbollist e kaloi gjithë karrierën e tij duke luajtur në Shtetet e Bashkuara të Amerikës.

Ai luajti për Carolina Dynamo, Chivas, Philadelphia Union, New York Cosmos, Miami, Cincinnati dhe San Antonio. /Telegrafi/