Irlandezi që luftoi në Ukrainë, rrëfen tmerrin që e përjetoi nga ndjekja me tanke: Ka të vdekur kudo

Kundërofensiva e Ukrainës jo vetëm që po ecën më ngadalë se sa kishin shpresuar shumë në Perëndim, por po rezulton të jetë e kushtueshme për sa i përket jetëve njerëzore.

Pasojnë luftime brutale dhe të përgjakshme pasi rusët përdorin artileri masive dhe fusha të minuara për të mbrojtur territorin e pushtuar më herët në luftë, transmeton Telegrafi.

Sky News intervistoi dy vullnetarë të huaj që kanë luftuar në ushtrinë ukrainase gjatë 17 muajve të fundit. Deklaratat e tyre u mbështetën nga dëshmitë shtesë të disa vullnetarëve të tjerë të huaj. Rhys Byrne, i njohur me nofkën Rambo, është një 28-vjeçar i gjallë nga Dublini.

Ai luftoi për njësi të shumta në Ukrainë, duke përfshirë Brigadën e 59-të të Ushtrisë Territoriale të Ukrainës, ku ai përdori një mitraloz të kalibrit të rëndë. Thotë se beteja për të rifituar territorin ishte e tmerrshme.

“Në vijën zero është tmerr. Është tmerr. Ka vetëm gjenocid. Është masakër”, tha ai.

Lexo po ashtu Gjenerali rus: Fola për problemet në front, më pushuan brenda një dite

“Ka njerëz të vdekur kudo. Rusë të vdekur. Ukrainas të vdekur… Problemi më i madh me të cilin përballemi kur futemi në istikame është të shkelim mbi të gjithë trupat e vdekur që janë tashmë atje – ato gjëra me të vërtetë ju ndjekin”, shtoi ai.

“Rambo” dha intervistën nga Qendra e Pushimit në lindje të Ukrainës, një strehë e përdorur nga vullnetarët ushtarakë kur largohen nga fronti.

Ai përshkroi takimin e tij me një tank rus dhe trupat ruse që për pak e vranë atë.

“Na u tha se kishte një linjë ruse të istikameve dhe ishte detyra jonë të futeshim në to dhe t’i pastronim. Më pas do t’i mbanim deri sa të vinin përforcimet dhe pastaj të ktheheshim,” shpjegoi ai.

Pretendon se një njësi me 40 anëtarë, duke përfshirë ukrainas, amerikanë dhe britanikë, u dërgua në një zonë afër vijës zero.

Lexo po ashtu Pjesëtarët e Wagnerit kanë filluar me dorëzimin e armëve te ministria e Mbrojtjes – bëhet fjalë për tanke, raketa e shumë municion

Megjithatë, Byrne ankohet se ata nuk kishin mbrojtje ajrore apo dron, dhe disa tanke ukrainas u tërhoqën.

Një tank tjetër iu afrua atyre në distancë dhe anëtarët e njësisë supozuan se ishte miqësor.

Ushtarët thonë se ndonjëherë është e vështirë të dallohen automjetet e Ukrainës nga ato ruse.

Papritur një tank rus filloi të synonte pozicionin e tyre. Ata që mbijetuan u strehuan në pyll.

Ka edhe pamje që tregojnë një anëtar të njësisë duke kërkuar ndihmë në radiolidhje ndërsa predhat e tankeve bien aty pranë.

Lexo po ashtu Iu refuzua kërkesa për anëtarësim në NATO - këto janë pesë angazhimet që mori aleanca për Ukrainën

Në mes të kaosit, shpëtimi u shfaq në formën e një kamioni ukrainas, i cili u soll në zonë nga një ushtar që kërkonte një marrës satelitor të zhdukur.

Ata filluan të tërhiqen, por rusët i dalluan përsëri. Byrne tregon se si tanku i armikut filloi t’i gjuante përsëri.

“Tani ne kemi një tank që fillon të na gjuajë. Dhe është e frikshme kur sheh një T-72 të madh që vjen për ty dhe je në një Humvee. Po, është si një thikë e nxehtë përmes gjalpit. Keni përfunduar. Pra, përsëri, të gjithë ne bërtasim: ‘Drej vozit dhe unë rashë”, kujton ai.

Pranë tij ishte ulur shoku i tij, një luftëtar danez me nofkën Polar. Ai tha se pa një predhë ruse që fluturonte mbi kokat e tyre.

“Ne nuk duhet të jemi gjallë. Domethënë ishim më afër vdekjes”, vuri në dukje ai.

Ata janë aktualisht në një tërheqje ushtarake të drejtuar nga pastori muskuloz Owen Panoma. Ai është një burrë nga Zelanda e Re, i cili gjithashtu shërbeu si kapelan në brigada të shumta ukrainase.

“Rambo” thotë se ka mijëra vullnetarë të huaj që luftojnë për Ukrainën dhe se shumë prej tyre kanë nevojë për dikë që të flasin. /Telegrafi/